नसा ले बचाये बर राज्य म चलही जबर जन आंदोलन : राज्य महिला आयोग के अध्यक्ष डॉ. किरणमयी नायक

अंजोर
0
नसा ले बचाये बर राज्य म चलही जबर जन आंदोलन : राज्य महिला आयोग के अध्यक्ष डॉ. किरणमयी नायक
राज्य महिला आयोग के अध्यक्ष डॉ. किरणमयी नायक


अंजोर.रायपुर। मुख्यमंत्री भूपेश बघेल ल राज्य महिला आयोग के अध्यक्ष डॉ. किरणमयी नायक ह पाती लिखके छत्तीसगढ़ के जनता ल नसा ले बचाये के खातिर जबर आंदोलन के सुरू करे के गेलौली करिन हावय। ओमन पाती म किहिन हावय के नसा हमर जिनगी के खातिर हानिकारक हावय। समाज के सबो वर्ग ल सउहे या अप्रत्यक्ष रूप ले नुकसान उठाना परत हावय। तुँहर सरकार आये के बाद पुलिस अउ सरकार के माध्यम ले मिलके महिला बाल विकास विभाग, समाज कल्याण विभाग, महिला आयोग सबे मिलके प्रयास करिन हावय के नशे म रोक लग सके अउ येकर असर तको होइस हावयं।

डॉ. नायक ह मुख्यमंत्री के लिखे पाती म किहिन के ये महसूस करिन येला जन आंदोलन म बदले के जरूरत  हावयं। ओमन मुख्यमंत्री ले निवेदन करिन हावय के सबो रकम के नसा गांजा, भांग, जर्दा गुड़ाखु, तम्बाकु, शराब, गुटका, धुम्रपान, चरस, अफीम, स्मैक, कोकीन अउ ब्राउन शुगर के उपयोग ले जनता के बचाये के खातिर आम जनता बिसेस रूप ले महिला मन के संग जन आंदोलन के जबर सुरू करे जाए, जेकर फायदा छत्तीसगढ़ महतारी के सबो लोगन के मिल सके।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !