अंजोर.कांकेर। कांकेर जिला के तेढ़ाईकोंदल के आशालता ह मुख्यमंत्री ले किहिन के मोला 11 हजार रूपिया के नौकरी मिले हावय अउ मैं परिवार के पहिली सदस्य हावं, जेला नौकरी मिले हावय, मैं अब जयपुर जाके नौकरी करहूं। मुख्यमंत्री ह आशा लता के आत्मविश्वास के बढ़ई करत नियुक्ति पाती सउपिस अउ सुभकामना दीस। दरअसल आज कांकेर प्रवास के बखत गांव करप पहुंचिस मुख्यमंत्री भूपेश बघेल ह मुख्यमंत्री कौशल विकास योजना के ले प्रशिक्षण मिले 15 युवा मन ला नियुक्ति पाती सउपिस, जेला अब आने-आने संस्थान म रोजगार मिल गे हावय।
मुख्यमंत्री ह आशा लता के संग ही सबो युवा मन के उत्साहवर्धन करिन अउ उज्ज्वल भविष्य के सुभकामना दीस। मुख्य मंच ले अपन संबोधन म तको मुख्यमंत्री बघेल ह आशा लता के जिक्र करत किहिन के आदिवासी अंचल के ए बेटी ह मोला उत्साह ले बताइन के ओला 11 हज़ार रूपिया के नौकरी मिले हावय। वास्तव म हम सब के खातिर ये गजब गौरव अउ खुसी के बात हावय के हमर बेटी मन आगू बढ़त हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।