सब्जी के खेती अउ नर्सरी प्रबंधन म 10 दिवसीय प्रशिक्षण 4 फरवरी ले जांजगीर म

सब्जी के खेती अउ नर्सरी प्रबंधन प्रशिक्षण 

अंजोर.जांजगीर-चांपा। भारतीय स्टेट बैंक ग्रामीण स्वरोजगार प्रशिक्षण संस्थान जांजगीर म ग्रामीण बीपीएल परिवार के बेरोजगार के रोजगार उपलब्ध कराये के उद्देश्य ले सब्जी के खेती अउ नर्सरी प्रबंधन म 10 दिवसीय प्रशिक्षण 4 फरवरी ले सुरू करे जात हावय। जिला अस्पताल के आगू जर्वे रोड जांजगीर म स्थित एसबीआई ग्रामीण स्वरोजगार प्रशिक्षण संस्थान म आयोजित करे गे हावय, प्रशिक्षण के बखत रेहे अउ भोजन के फोकट म बेवस्था होही। जिला के बीपीएल परिवार के सदस्य ही प्रशिक्षण के पात्र होही। गरीब परिवार के खातिर गांव सभा के अनुमोदित सूची के मान्य करे जाही। आवेदन करइया के उमर 18 साल ले 45 साल के बीच होना चाहिये। आवेदन के संग पासपोर्ट साइज तीन फोटो अउ एक टिकिट साइज के फोटो अउ पहचान पाती के संग उपस्थित हो सकत हावयं। जादा जानकारी के खातिर एसबीआई आरसेटी के मोबाईल नम्बर 9516885501 म संपर्क करे जा सकत हाबे।