स्काउट के नेशनल जम्बूरी छत्तीसगढ़ म होही : मुख्यमंत्री बघेल

स्काउट के नेशनल जम्बूरी छत्तीसगढ़ म होही

अंजोर.रायपुर। स्काउट के नेशनल जम्बूरी छत्तीसगढ़ म तको होही। जिला स्काउट संघ के रैली म स्काउट्स के संबोधित करत होइस मुख्यमंत्री ह ये घोसना करिस। अपन संबोधन म मुख्यमंत्री ह किहिन के स्काउट आंदोलन ब्रिटेन म सुरू होइस। येकर उद्देश्य मित्रता भाव अउ सेवा हावय। भारतीय संस्कृति तको वसुधैव कुटुम्बकम के विचार म हावय अउ ए रकम ले ले दुनों विचार एक जइसे भातृत्व अउ सेवा के विचार हावयं।

ए मउका म संघ के राज्य मुख्य आयुक्त अउ संसदीय सचिव विनोद सेवनलाल चंद्राकर तको मौजूद रिहिन। ओमन अपन संबोधन म राज्य स्काउट्स के मुख्य संरक्षक अउ मुख्यमंत्री भूपेश बघेल के प्रति आभार व्यक्त करिन। ओमन किहिन के मुख्यमंत्री के निर्देश म कोरोना काल म स्काउट्स ह सेवा के भरपूर काम करिन। ओमन किहिन के छत्तीसगढ़ के लइका देश भर म हो रिहिन कार्यक्रम म हिस्सा ले रिहिन हावयं।

संघ के जिला अध्यक्ष अविनाश चंद्राकर ह तको अपन संबोधन दीस। पिछड़ा वर्ग आयोग के उपाध्यक्ष आर एन वर्मा, पाटन नगर पंचायत अध्यक्ष भूपेंद्र कश्यप, जिला पंचायत उपाध्यक्ष अशोक साहू, जनपद अध्यक्ष रामबाई सिन्हा, लक्ष्मण चंद्राकर सहित आन जनप्रतिनिधि मौजूद रिहिन। संग ही संघ के संरक्षक अउ कलेक्टर पुष्पेन्द्र कुमार मीणा अउ एसपी डॉ अभिषेक पल्लव तको ए मउका म मौजूद रिहिन।