एक करोड़ तक पहुंचिस वर्मी खातु के टर्नओवर, गोधन न्याय योजना देखावत हाबे महिला मनला आत्मविश्वास अउ आत्मनिर्भरता के रसता

अंजोर.मनेन्द्रगढ़-चिरमिरी-भरतपुर। मुख्यमंत्री भूपेश बघेल के पहल म सुरू करे गे छत्तीसगढ़ के महत्वकांक्षी गोधन न्याय योजना ह अपन शुरुआत के संग ही प्रदेस म एक नवा आर्थिक-समाजिक क्रांति के आगाज करिन। बहुत कम समय म ए योजना ह अपन महत्ता अउ सार्थकता साबित करके पूरा देश के धियान आकर्षित करिन हावय। ए अनूठा योजना ह लोगन के उपराहा आय के जरिया दे अउ संग ही महिला मनला बिसेस रूप ले रोजगार के मउका दे हावय। छत्तीसगढ़ शासन ए योजना के तहत गरूवा पोसइया मन ले गोबर खरीदे हावय। ए गोबर ले गउठान म स्व मदद समूह के डहर ले वर्मी खातु बनाये जात हावय। ए वर्मी खातु ल बेचे ले समूह ल जेन फायदा होवत हाबें अउ ओकर ले उंकर जिनगी म बड़ा बदलाव आत हावय अउ ए बदलाव ल सउहे कमाए हावय स्वच्छ मनेन्द्रगढ़ क्षेत्र स्तरीय संघ के महिला मन।

गोधन न्याय योजना ले मिलिस आत्मविश्वास अउ आत्मनिर्भरता के रास्ता

राज्य के नवा जिला मनेन्द्रगढ़-चिरमिरी-भरतपुर के जिला मुख्यालय मनेन्द्रगढ़ के शहरी गउठान म वर्मी खातु बनावत स्वच्छ मनेन्द्रगढ़ क्षेत्र स्तरीय संघ के टर्नओवर 1 करोड़ रूपिया तक जा पहुंचिस हावय। साल 2020 म योजना के सुरू के संग ही गउठान म गोबर खरीदी के बुता सुरू होइस। आज ए संघ डहर ले 100312 क्विंटल वर्मी खातु बेचे जा चुके हावय जेकर रकम 1 करोड़ 32 हजार रूपिया हावय। एमे समूह के शुद्ध लाभ 36.73 लाख रूपिया हावय।

गोधन न्याय योजना ले खरीदिस टू व्हीलर

पूरा जिला म सबले जादा वर्मी खातु उत्पादन करे वाला विकासखण्ड मनेन्द्रगढ़ के स्वच्छ मनेन्द्रगढ़ क्षेत्र स्तरीय संघ के सदस्य सविता दास बतात हावयं के जब गोधन न्याय योजना सुरू होए त शहर के गउठान म समूह के रूप म जुड़के वर्मी कम्पोस्ट बनाये के बुता सुरू करिन। जइसे-जइसे उत्पादन अउ बेचे ले लाभ मिलिस, लोगन के हमर प्रति नजरिया बदले लगे हावय। ए योजना ले हमन ल स्वरोजगार के जरिया मिले  हावय अउ वर्मी खातु बेचे ले जेन लाभांश मोला मिलिस  ओकर ले टू व्हीलर गाड़ी खरीदे हावय।