 |
| मुख्यमंत्री दाई-दीदी क्लीनिक |
अंजोर.रायपुर। मुख्यमंत्री दाई-दीदी मोबाइल क्लीनिक के माध्यम ले अब तक करीब 1812 कैम्प लगावे जा चुके हावयं। दाई-दीदी क्लीनिक के माध्यम ले रायपुर, बिलासपुर अउ भिलाई नगर निगम क्षेत्र के स्लम बस्ती मन म रहइया 1 लाख 42 हजार 582 महिला मन अउ लइका मन के उंकर घर के पास ही दाई-दीदी क्लीनिक कैंप के माध्यम ले इलाज करे गे हावय।
जानबा होवय के छत्तीसगढ़ शासन के नगरीय प्रशासन अउ विकास विभाग डहर ले मुख्यमंत्री दाई-दीदी क्लिनिक योजना संचालित हावय। योजना के तहत दाई-दीदी क्लिनिक के मोबाइल मेडिकल यूनिट के वाहन म महिला डॉक्टर मन अउ महिला स्टॉफ के टीम पहुंचत हावय अउ जरूरतमंद महिला मन अउ लइका मन के आने-आने बीमारी के फोकट म इलाज करत हावय। ये मोबाइल मेडिकल यूनिट डहर ले 26 हजार 717 महिला मन के लैब टेस्ट करे गिस अउ 1 लाख 36 हजार 95 महिला मन के फोकट म दवई दे गिस। पहिली गरीब स्लम क्षेत्र म रेहे वाला अउ मेहनत मजदूरी करे वाला अइसे महिला मन जेन समयाभाव या आन कई कारन ले अपन इलाज नइ करा पात रिहिस फेर अब दाई-दीदी क्लीनिक ले ओला इलाज के सुविधा घर के पास ही महिला डॉक्टर मन अउ चिकित्सा स्टॉफ के माध्यम ले मिलत हावय अउ वो अपन इलाज कराये हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।