सैजेस जामगांव (एम) म एस्ट्रो लैब देखिस मुख्यमंत्री भूपेश बघेल

अंजोर.रायपुर। मुख्यमंत्री ह सैजेस जामगांव (एम) के एस्ट्रोलैब्स के तारीफ करत विज्ञान के पढ़ाई बहुत बढि़या तरीका ले कराइन जाये खातिर 2 करोड़ रूपिया के लागत ले बने स्कूल भवन के के लोकार्पण करिस। मुख्यमंत्री भूपेश बघेल ह दुर्ग जिला के पाटन विकासखण्ड के जामगांव (एम) म स्वामी आत्मानंद स्कूल के 2 करोड़ रूपिया के लागत ले नवा बने भवन के लोकार्पण करिन। ए मउका म मुख्यमंत्री ह इहां स्थापित एस्ट्रोलैब ल देखिस। इहां म लइका ह मुख्यमंत्री के बताइन के कोन रकम ले ग्रेविटेशन के प्रभाव आने-आने ग्रह म आने-आने परत हावय। मुख्यमंत्री ह लइका ले गोठबात म किहिन के तंहू मनला बहुत सुंदर तरीका ले खगोल विज्ञान के बारे म जानकारी दे जाथे जेन बहुत अच्छा बात हावय।

मुख्यमंत्री ह इहां के टेलिस्कोप तको देखिस। संग ही भारत के अंतरिक्ष यात्री राकेश शर्मा अउ कल्पना चावला उक के बुता के डिस्प्ले तको देखिस। मुख्यमंत्री स्कूल के फिजिक्स लैब, केमिस्ट्री लैब अउ बायो लैब म तको गिस।मुख्यमंत्री ह इहां लइका के प्रैक्टिकल तको देखिस अउ उंकर ले सवाल तको पूछिस। मुख्यमंत्री ह लइका ले पूछिस के तुँमन ल ए स्कूल म पढ़ाई करके कइसे लगत हावय। लइका ह किहिन हमला बहुत अच्छा लगत हावय। इहां आपने सारी सुविधा हावयं। हमर टीचर बहुत अच्छा हावयं अउ हमन ल अत्याधुनिक तरीका ले पढ़ाई करात हावन। हमन ल स्मार्ट क्लास ले जाये, उहां हम ऑडियो विजुअल कंटेंट के माध्यम ले सारी जानकारी हासिल करत हावयं अउ सीखत हावयं। मुख्यमंत्री ह ऑडियो विजुअल क्लास तको देखिस। एक लइका प्रदीप चंद्राकर ह ऑडियो विजुअल क्लास के माध्यम ले लइका के फोटोसिंथेसिस के बारे म बताइन। मुख्यमंत्री ह शिक्षक मन के तारीफ करिस अउ किहिन के ए रकम ले पढ़े अउ सीखे के प्रक्रिया लइका के खातिर बहुत आनंददायी हो जात हावय।

मुख्यमंत्री लइका के अभिभावक मन ले तको मिलिस अभिभावक मन ह किहिन के इहां पढ़ाई फोकट म हावय। अतका अच्छा सुविधा हावय टीचर बहुत अच्छा ले पढ़ात हावयं। हमन ल अपन लइका के इहां भेज करके बहुत अच्छा लगत हावय मुख्यमंत्री ह शिक्षक मन ले तको गोठबात के अउ उंकर बढ़ई करिस। जानबा होवय के स्कूल के बनाये दू करोड़ रूपिया के लागत ले करे गे हावय इहां म लइका के शैक्षणिक सुविधा के संग ही प्लेग्राउंड तको हावय अउ लइका के खेल संबंधी सुविधा के धियान तको रखे गे हावय। कलेक्टर पुष्पेंद्र कुमार मीणा ह बताइन स्कूल म शिक्षक मन के समुचित बेवस्था करे गे हावय संग ही लइका के विकास के खातिर सबो संसाधन उपलब्ध कराये हावयं। ए मउका म संसदीय सचिव विनोद सेवन लाल चंद्राकर, पहिली विधायक श्रीमती प्रतिमा चंद्राकर सहित केऊ जनप्रतिनिधि अउ ग्रामीण उपस्थित रिहिस।