नरेंद्र ल स्वामी विवेकानंद बनाये म रायपुर के बड़ा योगदान : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल स्वा मी विवेकानंद के जयंती के मउका म गांधी मैदान के एक कार्यक्रम संघरिस अउ अपन विचार रखिस। ये मउका म ओमन किहिन के स्वामी विवेकानंद के सुरता ल संयोवत रायपुर के एयर पोर्ट के नामकरण स्वामी विवेकानंद के नाम म करे गे हावय। स्वामी विवेकानंद के सुरता के सहेजे के खातिर डे भवन ल चार करोड़ रूपिया के लागत ले विवेकानंद स्मारक के रूप विकसित करे जाही। डे भवन म संचालित स्कूल के खातिर अलग ले लगभग ढाई करोड़ के लागत ले भवन बनाये गे हावय। नरेंद्र ल स्वामी विवेकानंद बनाये म रायपुर के बड़ा योगदान हावय। ओमन अपन जिनगी के किशोरावस्था 12 साल के उमर ले  14 साल के उमर  के समय रायपुर म बिताये हावय।

स्वामी विवेकानन्द जी के विचार ह सरी समाज ल एक नवा दिशा दीस। ओमन देश-दुनिया ल मानव जाति के सेवा के रद्दा देखाइस। स्वामी जी ह युवा मन ल  ‘उठो, जागो अउ तब तक नइ रूको जब तक लक्ष्य मिले नइ हो के संदेश दीस। छत्तीसगढ़ म जेन महापुरुष आए उन ले सम्बंधित जगह ल विकसित करे के प्रयास करे जात हावय।