अंजोर.रायपुर। मुख्यमंत्री भूपेश बघेल रायपुर के साइंस कॉलेज मैदान म 28 जनवरी के मंझनिया 11 बजे राज्य स्तरीय युवा महोत्सव 2022-23 ल सुरू करही। महोत्सव के आयोजन खेल अउ युवा कल्याण विभाग के तनि ले करे जात हावय। उद्घाटन कार्यक्रम म खास पहुना के रूप म छत्तीसगढ़ विधानसभा के अध्यक्ष डॉ. चरणदास महंत सामिल होही अउ कार्यक्रम के अध्यक्षता खेल अउ युवा कल्याण विभाग के मंत्री उमेश पटेल करही।
युवा महोत्सव म छत्तीसगढ़िया खेल जइसे के फुगड़ी, भौंरा अउ गेड़ी दौड़ के प्रतियोगिता होही। संग ही छत्तीसगढ़ी लोक गीत अउ लोक नृत्य करमा, राउत नाचा, पंथी, सरहुल, सुवा, बस्तरिया नृत्य के आकर्षक प्रस्तुति तको राज्य स्तरीय युवा महोत्सव म देखे ल मिलही। महोत्सव म छत्तीसगढ़ी संस्कृति ले संबंधित चित्रकला, छत्तीसगढ़ के पारंपरिक वेशभूषा अउ व्यंजन के फूड फेस्टिवल के आयोजन होही। मुख्यमंत्री भूपेश बघेल के अगुवई म खेल अउ युवा कल्याण विभाग डहर ले 28 जनवरी ले तीन दिवसीय राज्य स्तरीय युवा महोत्सव के आयोजन करे जात हावय। महोत्सव म प्रदेशभर के 3 हजार भाग लेवइया आही।
उद्घाटन कार्यक्रम म खास पहुना के रूप म स्वास्थ्य मंत्री टी.एस. सिंहदेव, गृह मंत्री ताम्रध्वज साहू, कृषि मंत्री रविंद्र चौबे, स्कूल शिक्षा मंत्री डॉ. प्रेमसाय सिंह टेकाम, वन अउ परिवहन मंत्री मोहम्मद अकबर, उद्योग मंत्री कवासी लखमा, श्रम अउ नगरीय प्रशासन मंत्री डॉ. शिव कुमार डहरिया, महिला अउ बाल विकास मंत्री श्रीमती अनिला भेंड़िया, राजस्व मंत्री जयसिंह अग्रवाल, जल संसाधन मंत्री गुरू रूद्र कुमार, खाद्य मंत्री अमरजीत भगत, विधानसभा के नेता प्रतिपक्ष नारायण चंदेल, संसदीय सचिव पारस नाथ राजवाड़े, संसदीय सचिव चिंतामणि महाराज, संसदीय सचिव विकास उपाध्याय, संसदीय सचिव कुंवर सिंह निषाद, संसदीय सचिव द्वारिकाधीश यादव, विधायक मोहन मरकाम, विधायक सत्यनारायण शर्मा, विधायक बृजमोहन अग्रवाल, विधायक धनेंद्र साहू, विधायक कुलदीप जुनेजा, विधायक श्रीमती अनिता योगेंद्र शर्मा, जिला पंचायत अध्यक्ष श्रीमती डोमेश्वरी वर्मा, रायपुर नगर पालिक निगम के महापौर एजाज ढेबर, छ.ग. युवा आयोग के अध्यक्ष जितेंद्र मुदलियार अउ सबो सांसद, विधायक, संसदीय सचिव, निगम मंडल, आयोग, जिला पंचायत के अध्यक्ष अउ उपाध्यक्ष के गरिमामय उपस्थिति होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।