पटेल-मरार समाज बाड़ी योजना के लाभ उठाके बन सकत हावयं आर्थिक रूप ले सशक्त: मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल सुकवार के अपन निवास कार्यालय म पटेल-मरार समाज डहर ले आयोजित शाकम्भरी महोत्सव म सामिल होइस। मुख्यमंत्री ह महतारी शाकम्भरी के पूजा-अर्चना करके सबो ल शुभकामना दीस। ए मउका म मुख्यमंत्री ह किहिन के पटेल-मरार समाज सब्जी के उत्पादन म अगुवा हावय। बाजार म तुँहर डहर ले पैदा करे गे सब्जी अच्छा गुणवत्ता के होवत हावय, इही सेती सबले पहिली बिकत हावय। मुख्यमंत्री ह पटेल-मरार समाज ले गेलौली करिन के आप सबो सरकार के बाड़ी योजना के लाभ जरूर उठाव। येकर ले कम लागत म सब्जी के उत्पादन बढ़ही।

सरकार डहर ले रूरल इंडस्ट्रियल पार्क सुरू करे  जात हावयं। उहां ड्राई मशीन के उपयोग करके सब्जी के आकर्षक पैकिंग करके बाजार म अच्छा दाम ले जा सकत हावय। आप सबो समूह बनाके बाड़ी योजना के माध्यम ले आर्थिक रूप ले सशक्त बन सकत हावयं। ओमन किहिन के आज के समय मौसमी सब्जी  पूरा साल उपलब्ध रिथे, काबर के कृषि वैज्ञानिक ह कई शोध करे  हावय अउ सिंचाई के सुविधा तको बाढ़हे हावय। पटेल-मरार समाज डहर ले मुख्यमंत्री के सब्जी के टोकरी तको भेंट करे‍ गिस। ए मउका म विधासभा उपाध्यक्ष संतराम नेताम, विधायक बृहस्पत सिंह, विनय भगत मुख्यमंत्री के सलाहकार प्रदीप शर्मा, शाकम्भरी बोर्ड के अध्यक्ष रामकुमार पटेल, देवचरण पटेल, रामसुंदर पटेल, पवन पटेल, आत्मनारायण पटेल अउ बड़े संख्या म पटेल-मरार समाज के नागरिक उपस्थित रिहिन।