‘एक्जाम वारियर्स’ के विमोचन करिस राज्यपाल सुश्री उइके, किताब ल लइका अउ अभिभावक मन खातिर बताइन लाभदायक

‘एक्जाम वारियर्स’ के विमोचन करिस राज्यपाल सुश्री उइके

अंजोर.रायपुर। राज्यपाल सुश्री अनुसुईया उइके ह राजभवन म स्कूली लइका के उपस्थिति म प्रधानमंत्री नरेन्द्र मोदी जी डहर ले लिखित किताब ‘‘एक्जाम वारियर्स’’ के विमोचन करिन। ए मउका म राज्यपाल सुश्री उइके ह अपन उद्बोधन म पढ़ईया मन ल किहिन के किताब के जरूरी बिन्दु अउ येकर मूल विषय-वस्तु के बारे म रोचक ढंग ले बताइन। राज्यपाल ह किहिन के किताब म पढ़ईया मन अउ अभिभावको मनके खातिर 34 मंत्र दिये गे हावयं, जेन परीक्षा के समय होवइया भय अउ तनाव के प्रबंधन म सहायक होही। ओमन किहिन के जब हम अनावश्यक तनाव लेवत हावन त काम बिगड़ते हावयं। इही रकम ले जब पढ़ईया परीक्षा के बखत तनाव लेवत हावयं, त आसानी ले हल होए वाला सवाल म तको अटक जात हावयं। राज्यपाल ह प्रधानमंत्री जी के संदेश वॉरियर बने, वरियर नहीं, के महत्ता के तको लइका ल समझाया अउ तनाव मुक्त रेहे ल किहिन। अपन पढ़ई जिनगी के अनुभव साझा करत राज्यपाल ह परीक्षा के बखत अपन तइयारी के जानकारी दीस। ओमन वांछित सफलता न मिले म तको लइका के दोगुना उत्साह के संग मेहनत करके आगू बढ़े ल किहिन। ओमन मेहनत के सफलता के मूल मंत्र बताइन अउ अभिभावक ल लइका के संग मित्रवत व्यवहार करे के सीख दीस। राज्यपाल ह किताब म अभिभावक के संबंध म कहे बात के सुरता करत किहिन के लइका ल अपन रूचि के मुताबिक कैरियर के चुनाव करन दें अउ अभिभावक अपन पसंद लइका म नइ थोपें। राज्यपाल ह ए मउका म लइका के उज्ज्वल भविष्य के खातिर सुभकामना दीस अउ शिक्षक मन के किताब के एक प्रति भेंट करत होइस एमे परीक्षा ले जुड़े जरूरी बिन्दु ले लइका के आरो कराइन।

ए मउका म स्वामी आत्मानंद उत्कृष्ट अंग्रेजी माध्यम स्कूल शहीद स्मारक, रायपुर ले आये लइका ह राज्यपाल ले परीक्षा अउ उंकर व्यक्तिगत जिनगी के अनुभव अउ राज्यपाल बने तक के सफर ले जुड़े सवाल पूछिस। राज्यपाल ह लइका के जिज्ञासा ल दूरिहा करिन अउ सवाल के रोचक जवाब दिस। ए मउका म राज्यपाल के सचिव अमृत खलखो, राज्यपाल के विधिक सलाहकार राजेश श्रीवास्तव, राज्यपाल के उपसचिव दीपक अग्रवाल, नियंत्रक हरवंश मिरी अउ राजभवन के अधिकारीगण, पढ़ईया मन के संग शिक्षक तको उपस्थित रिहिस।