भेंट मुलाकात कार्यक्रम म दू तिहाई विधानसभा पूरा : मुख्यमंत्री भूपेश बघेल

 

भेंट मुलाकात कार्यक्रम म दू तिहाई विधानसभा पूरा : मुख्यमंत्री भूपेश बघेल

अंजोर.रायपुर। प्रदेश के मुखिया दाऊ भूपेश बघेल के लोगन ले भेंट-मुलाकात के कार्यक्रम अब दू तिहाई विधानसभा पूरा कर डारे हावय। ये बात ओमन बलौदाबाजार विधानसभा के पुरैना-खपरी म किहिन। ओमन किहिन के 4 मई ले सुरू होए रिहिस ये भेंट मुलाकात कार्यक्रम। ये कार्यक्रम देश के पहिली कार्यक्रम हावय जेमा मुख्यमंत्री जनता के बीच जाके योजना मनके जमीनी हकीकत के आरो लेथे। ये बीच मुख्यमंत्री प्रदेश के जनता ले कई बड़का सौगत दीसे। इही महीना म ओमन विधायक निधि ल बढ़ाके 4 करोड़ करिन अउ राजीव गांधी किसान न्याय योजना के चौथा क़िस्त 31 मार्च के दे जाही।