अंजोर.महासमुंद। पुलिस अधीक्षक महासमुंद धर्मेन्द्र सिंह के निर्देशन म अकताहा पुलिस अधीक्षक श्रीमान आकाश राव गिरेपुंजे अउ एसडीओपी सरायपाली अभिषेक केशरी के मार्गदर्शन म अपराध अउ अपराधिक गतिविधी म अंकुश लगाये के मुहिम म जिला के सबो थाना अउ चौकी प्रभारी के जिला म अवैध दारू बिक्री अउ परिवहन म अंकुश लगाये बर निर्देशित करे गे रिहिस। अवैध गतिविधी म संलिप्त लोगन के धरपकड़ के इही क्रम म थाना सरायपाली के थाना प्रभारी आशीष वासनिक के मुखबिर ले सूचना मिलिस के एक मनखे स्कूटी होंडा एक्टिवा बिना नंबर म भारी अकन म अवैध महुआ दारू रखके परिवहन करे इच्छापुर ले कुटेला के तनि आत हावय के सूचना तस्दीकी बर हमराह स्टाफ के रवाना होके गांव माधोपाली तरिया मंदिर के पास पहुंच के कुछ देर इंतजार करिस। थोकिन देर बाद एक स्कूटी होंडा एक्टिवा बिना नंबर म सवार दू मनखे आते दिखे जेला रोककर चेक करे म पाछु म जूट बोरी म अवैध महुआ दारू रखे मिले, पूछताछ करे म अपन नाम (1) विजय खुटे पिता रामदास खुटे उमर 38 साल साकिन पालसापाली थाना सरायपाली (2) श्यामलाल खुटे पिता राममानंद खुटे उमर 27 साल साकीन पालसापाली थाना सरायपाली के रेहे वाला बताइन। जेकर ले अवैध महुआ दारू रखे जाये के पुछताछ करे म पाछु जुट के बोरी म महुआ दारू होना बताइन जेकर कब्जा ले 02 जुट के बोरी म म भरे 120 लीटर हाथ भट्टी महुआ शराब, एवम परिवहन म प्रयुक्त बिना नंबर स्कूटी होंडा एक्टिवा 6G कीमती 70000 के जप्त करके आरोपी के कृत्य 34(2) आबकारी एक्ट के पाए जाये ले थाना सरायपाली म अपराध क्रमांक 12/2023 धारा 34 (2) आबकारी एक्ट कायम करके आरोपी के ज्यूडिशियल रिमांड म भेजे गिस। सरी कार्यवाही म प्रधान आरक्षक डोलामडी भोई आरक्षक, ठाकुरेश्वर भुवारय कमल जांगड़े, योगेन्द्र बंजारे अनंत गेंड्रे, अउ सबो थाना स्टाफ के बिसेस योगदान रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।