मावलीनगर ठेलकाबोड़ म महिला के हत्या के मामला के खुलासा, आरोपी निरंजन सेठीया गिरफ्तार

मावलीनगर ठेलकाबोड़ म महिला के हत्या के मामला के खुलासा, आरोपी निरंजन सेठीया गिरफ्तार

अंजोर.कांकेर। पुलिस अधीक्षक कांकेर शलभ कुमार सिन्हा के निर्देशन म अति. पुलिस अधीक्षक अविनाश ठाकुर के निर्देशन अउ अनुविभागीय अधिकारी पुलिस डॉ. अनुराग झा के पर्यवेक्षण म थाना कांकेर पुलिस डहर ले मावलीनगर ठेलकाबोड़ म महिला के हत्या के मामला म आरोपी के गिरफ्तार करे हावय।  पहाडी म अज्ञात मृतिका के शव पड़ं होए के जानकारी म थाना कांकेर म मर्ग क्रमाक 03/23 धारा 174 जाफौ कायम करत जांच पंचनामा कार्यवाही म लिस अउ घटना के गंभीरता ल देखत कांकेर पुलिस अधीक्षक शलभ कुमार सिन्हा ह थाना प्रभारी कांकेर के अगुवई म टीम गठित करके अज्ञात आरोपी मन के पतासाजी बर जरूरी निर्देश दे रिहिस।

मृतिका के पहचान होए के बाद  पुछताछ करे गिस तब जानबा होइस के मृतिका ल उंकर परिचित ह कोड़ेजुंगा ले अटल घर के पास छोड़े रिहिस ये आधार म अटल घर के आस पास लोगन ले पुछताछ करे गिस तब जानबा होइस के मृतिका मंझनिया म आरोपी निरंजन सेठीया के संग आरोपी के घर के पास देखे गे रिहिस। ये आधार म निरंजन सेंठीया ल अभिरक्षा म लेके पुछताछ करे गिस जेमा आरोपी ह बताइन मृतिका के हत्या करे स्वींकार करिन। आरोपी ह पुछताछ म बताइन के वो ह मृतिका उंकर घर पाछू एक महीना ले आना जाना करत रिहिस।

आरोपी निरंजन सेठीया के घर म दारू पीये रिहिस मृतिका संग म दारू पीके ठेलकाबोड़ पहाड़ी के रद्दा कोड़ेजुंगा जात रिहिस  तभेच रद्दा म आरोपी ह मृतिका ले शारिरीक संबंध बनाये बर बोलिन तब मृतिका अउ आरोपी के बीच इही बात के लेके झगरा होगे जेकर सेती आरोपी ह मृतिका के जमीन म पटके पास म पड़े पथरा ले मृतिका के मुड़ ल मारके हत्या कर दीस अउ मृतिका के मोबाईल फोन अपन पास रख लिस अउ सीम निकालकर फेंक दे रिहिस। ये आरोपी के निशानदेही म घटना म प्रयुक्त पथरा अउ मृतिका के मोबाईल फोन अउ घटना के बखत आरोपी डहर ले पहिने कपड़ा जप्त करे गे हावय। आरोपी निरंजन सेठीया पिता स्व. बलीराम उमर 42 साल निवासी पानीडोबीर अभी के बेरा अटलआवास कांकेर के गिरफ्तार करके न्यायिक रिमाण्ड म भेजे जात हावय।