धर्मांतरण के विरोध करइया मनके ऊपर रासुका लगाये के मंशा के विरोध म भाजपा के धरना

धर्मांतरण के विरोध म भाजपा के धरना

अंजोर.जांजगीर। आदिवासी मनके धरम बदले के मामला अब देशव्यापी होवथे। येमा अब राज्य के भाजपा सरकार बड़जोर विरोध करत हावय। जानबा होवय के पाछु दिन बस्त र अंचल म एक बड़का मामला उजागर होए रिहिस जेमा ग्रामीण अउ एसपी तक घायल होए रिहिस। इही मामला म प्रदेश के मुखिया भूपेश बघेल ह रासुका लगाये के गोठ करे रिहिस। मिले आरो के मुताबिक प्रदेश सरकार कोति ले अवैध धर्मांतरण के विरोध करइया मनके ऊपर रासुका लगाये के मंशा के विरोध म कचहरी चौक, जांजगीर म एक दिवसीय धरना प्रदर्शन करिन जेमा भाजपा कोति ले विधानसभा म विपक्ष के नेता अउ विधायक नारायण चंदेल ह तको सामिल होइन अउ लोगन ले भूपेश सरकार के नीति के बारे म अपन विचार रखिन।