परंपरागत बेवसाय ल धरनाहा राखे के दिसा म बुता करिस हमार सरकार : मुख्यमंत्री भूपेश बघेल

चर्म शिल्पकार विकास बोर्ड के शपथ ग्रहण समारोह

अंजोर.रायपुर। मुख्यमंत्री भूपेश बघेल मुख्यमंत्री निवास म चर्म शिल्पकार विकास बोर्ड के शपथ ग्रहण समारोह म सामिल होइस। मुख्यमंत्री ह बोर्ड के नव नियुक्त अध्यक्ष तरूण बिजौर अउ सदस्यगण, खिलावान बघेल, श्रीमती सरोजनी रात्रे, अउ तुलसी दौड़िया के नवा जिम्मेदारी खातिर बधाई अउ सुभकामना दीस। बघेल ह किहिन के मोला आशा हावय के बोर्ड के अध्यक्ष सारे सदस्य के जेन जिम्मेदारी दे गे हावय ओला पूरा समर्पण भाव करत प्रदेस ल प्रगति म भागीदारी निभाही। ए मउका म कृषि मंत्री रविन्द्र चौबे, राज्य अनुसूचित जाति के अध्यक्ष के.पी. खान्डे अउ उपाध्यक्ष श्रीमती पदमा मनहर तको उपस्थित रिहिस।

ए मउका म मुख्यमंत्री ह किहिन के मानव सभ्यता के सुरू ले चमड़ा के महत्ता रिहिन हावय। पहिली चमड़ा ले बने जूता चप्पल पहनत रिहिस। धीरे-धीरे विकास के दौड़ म चमड़ा के व्यापार के प्रभावित करिन, चमड़ा के उपयोग कम होवत  गिस। जूता चप्पल ल बनाये म तको आन जिनिस के उपयोग करे जाये लगिस।

मुख्यमंत्री ह किहिन के हमर सरकार बने म हम ह परंपरागत बेवसाय ल संरक्षित करे के बुता करत, हमन गउठान बनायेन। ओमन किहिन के परंपरागत व्यवसाय ले बने जिनिस के आधुनिक बाजार म अच्छा प्रतिसाद मिले येकर खातिर एला अच्छा पैकेजिंग कराये के बेवस्था के ब्राडिंग के अउ उंकर बिक्री के खातिर शहर म सी मार्ट के बेवस्था करे गिस। संग ही रूरल इन्डस्ट्रियल पार्क के स्थापना करे गे हावय। येकर विकास के खातिर 600 करोड़ रूपिया बजट के प्रावधान करे गे हावय। येकर ले हमर परंपरागत व्यवसाय के विकास के संग गांव म आन व्यापार करे के तको मउका मिलगे।