गोधन न्याय योजना के सफलता : गौठान अब खुद के जमा पूंजी ले गोबर बिसावथे

गोधन न्याय योजना के सफलता

अंजोर.रायपुर। मुख्यमंत्री भूपेश बघेल ह किहिन के गउठान डहर ले खुद के जमा पूंजी ले गोबर खरीदना गोधन न्याय योजना के बड़े सफलता हावय। प्रदेस के ग्रामीण क्षेत्र के आधा ले जादा गउठान स्वयं के संसाधन ले गोबर के खरीदी करत हावयं। राज्य शासन के ये गउठान के गोबर खरीदे के खातिर रकम दे के जरूरत  नइ पड़त हावय। 

गोबर बेचइया मनके आज भुगतान करे गिस 4.62 करोड़ रूपिया के रकम म ले 4270 स्वावलंबी गउठान डहर ले 2.88 करोड़ रूपिया के भुगतान करे गिस अउ कृषि विभाग डहर ले 1.74 करोड़ रूपिया के भुगतान करे गे हावय। पाछु पखवाड़े म गोबर खरीदी के खातिर प्रदेस के स्वावलंबी गौठन ह कृषि विभाग के तुलना म जादा रकम के भुगतान करे हावय। स्वावलंबी गउठान डहर ले अब तक अपन संसाधन ले 29.61 करोड़ रूपिया के रकम ले गोबर के खरीदी करे गे हावय।