अपोलो कॉलेज ऑफ फिजियोथेरेपी म दाखिला 6 दिसम्बर तक

अपोलो कॉलेज ऑफ फिजियोथैरेपी

अंजोर.सूरजपुर। फिजियोथेरेपी पाठ्यक्रम म दाखिला सुरू होगे हावय। चिकित्सा शिक्षा विभाग के कोति ले आनलाइन प्रवेश प्रक्रिया सुरू होगे हावय। जेन भी नीट के परीक्षा दीस हावय, वो फिजियोथेरेपी कोर्स म अपन दाखिला ले सकत हावय। प्रदेस के सबले उम्दा फिजियोथेरेपी कोर्स के खातिर चर्चित अपोलो कॉलेज ऑफ फिजियोथेरेपी म तको दाखिला के प्रक्रिया सुरू हो गे हावय। 6 दिसंबर तक दाखिला के खातिर ऑनलाइन आवेदन करे जा सकत हाबे। विस्ता्र ले जानकारी के खातिर कॉलेज म तको संपर्क करे जा सकत हाबे। तुँमन ल बता दें के चिकित्सा शिक्षा पाठ्यक्रम म आने-आने कोर्स म प्रवेश बर नीट ले जाथे। इही नीट के आधार म वैचलर ऑफ फिजियोथेरेपी पाठ्यक्रम में तको प्रवेश ले जाथे, चिकित्सा शिक्षा विभाग डहर ले फिजियोथेरेपी पाठ्यक्रम म ऑनलाईन प्रवेश प्रक्रिया सुरू कर दे हावय। एकर बर चिकित्सा शिक्षा विभाग के वेब पोर्टल म 02 दिसम्बर ले छत्तीसगढ़ के सबो निजी अउ सरकारी क्षेत्र के फिजियोथेरेपी पाठ्यक्रम म प्रवेश बर शासन डहर ले न्यूनतम अंक के बाध्यता खतम कर दे गे हावय, माने अइसे सबो पढ़ईया जेन मन नीट के परीक्षा दे हावय, अउ बारहवी बायोलाजी ले सामान्य वर्ग के खातिर 50 परतिसत मिले करे हावय, वो फिजियोथेरेपी पाठ्यक्रम म प्रवेश ले के खातिर पात्र हावय। 

अइसे सबो पढ़ईया जेन मन एम.बी.बी.एस. अउ डेंटल के खातिर काउंसिलिंग कर सकत हावय ए बर पढ़ईया ल फेर शुल्क नइ देना होही। अइसे पढ़ईया ल वेव पोर्टल म बी.पी.टी. लॉगिन के बटन दबाये म ऑलरेडी पेड फेस के बटन के क्लिक करके बिना शुल्क जमा करे आवेदन जमा कर सकत हावय। जानबा होवय के बैचलर ऑफ फिजियोथेरेपी साढ़े चार साल के पाठ्यक्रम होवत  हावय जेमा चार साल अध्ययन अउ छह महीना के ईन्टर्नशिप करे होवत हावय। अभी के बेरा म छत्तीसगढ़ म ए पाठ्यक्रम के संचालित करइया दू संस्था मन हावयं, एक सरकारी अउ दूसरी निजी क्षेत्र के अपोलो कॉलेज ऑफ फिजियोथेरेपी, अंजोरा दुर्ग हावय जेन के पाछु 20 साल ले संचालित हावय। फिजियोथेरेपी पाठ्यक्रम म प्रवेश ले के खातिर ऑनलाइन आवेदन के आखरी तिथि 06 दिसम्बर तक हावय। अइसे सबो पढ़ईया मन जेन ए पाठ्यक्रम म प्रवेश लेना चाहत हावयं वो ये तिथि के बीच चिकित्सा शिक्षा विभाग के वेब पोर्टल म जाके जानकारी ले सकत हावय।