अनुज शर्मा के वो मंच जिहां ले ओमन प्रस्तुति देना सीखिस, सुभाष वार्ड भाटापारा... पढ़व 'अंजोर छत्तीसगढ़ी समाचार' म पूरा खबर

अंजोर.सिनेमा। छत्तीसगढ़ी सिनेमा के सुपरस्टार पद्मश्री अनुज शर्मा ल आज कोन नी जाने, राज बने के 22 बछर बाद भी छॉलीवुड के हीरो के रूप म अनुज के नाम ही जन-जन के जुबान म हाबे। अनुज शर्मा के नानपन के जीवन के बारे म लोगन सबे कुछ जानथे। जइसे के ओमन भाटापारा के रहइया आए, उंकर असल नाम रामानुज शर्मा हाबे। अब अपन परिवार संग ओमन कबीर नगर रायपुर म रिथे महतारी, प​त्नी अउ दू ​नोनी लइका संग।

उन सबो खबर ले अलग अनुज शर्मा आज अपन जिनगी के सबले बड़ा मंच म पहुंचे हाबे। जी हां भाटापारा सुभाष वार्ड के वो मंच जेमे ले ओमन प्रस्तुति देना सीखिस। एक कलाकार के बर सफलता  शिखर म पहुंचे बर कतका संघर्ष करना परथे ये अनुज के जीवन ल देखे म आकब हो जथे। जब कोनो कलाकार अपन जुन्ना दिन ल सुरता करत वो मंच म पहुंचथे जिहां ले ओमन कलाकारी ल सीखे हाबे, सोचव कतका खुशी होइस होही। ये खुशी ल शेयर कर पद्मश्री अनुज शर्मा ह शोसल मीडिया म फोटो शेयर करत​ लिखे हाबे के-

वो मंच जहां से प्रस्तुति देना सीखा... सुभाष वार्ड भाटापारा...

#anujsharmacg #anujs10001 #bhatapara #memories #past #sweetmemories #childhoodmemories