हॉकी विश्व कप के उद्घाटन म मुख्यमंत्री भूपेश बघेल ल सामिल होए के नेवता दीस ओडिशा सरकार के मंत्री श्रीमती रीता साहू

हॉकी विश्व कप के उद्घाटन म मुख्यमंत्री भूपेश बघेल ल सामिल होए के न्यौता

अंजोर.रायपुर। मुख्यमंत्री भूपेश बघेल ले ओडिशा राज्य के हैडलूम, टेक्सटाइल एंड हैडीक्राफ्ट्स विभाग के मंत्री श्रीमती रीता साहू के अगुवई म प्रतिनिधिमंडल ह सौजन्य मुलाकात करिस। श्रीमती साहू ह ओडिशा के मुख्यमंत्री नवीन पटनायक के प्रतिनिधि के तौर म ओडिशा म आयोजित होवइया हॉकी विश्व कप के उद्घाटन समारोह म सामिल होए के खातिर मुख्यमंत्री बघेल ल आमंत्रित करिन। येकर संग ही ओमन मुख्यमंत्री बघेल के गमछा, पुष्पगुच्छ, वर्ल्ड कप के जर्सी अउ चिन्हारी भेंट करके सम्मानित तको करिन। मुख्यमंत्री ह श्रीमती साहू के भेंट अउ नेवता के खातिर धन्यवाद दीस।

जानबा होवय के ओडिशा म 13 ले 29 जनवरी 2023 तक एफआईएच ओडिशा मेन्स वर्ल्ड कप आयोजित करे जात हावय। ये प्रतियोगिता भुवनेश्वर अउ राउर केरा म सम्पन्न होही।