 |
| झारखंड के गिरोह छत्तीसगढ़ म करिस ऑनलाइन ठगी |
अंजोर.भाटापारा। छत्तसीगढ़ म अब आन राज के मनखे मन सिधवा छत्तीसगढ़िया मनला ले बने जोंग के ऑनलाइन ठगी करत हाबे। देखे जाए तव अब छत्तीसगढ़ म दिनोंदिन परदेसिया गिरोह लुटे बर जीवहोम जुटे हाबे। अइसन म पुलिस तको सरलग कार्रवाई करत धरपकड़ करते हाबे, पाछू दिन रायगढ़ पुलिस कलकत्ता अउ बंगाल के गिरोह ल पकड़े रिहिस अब बलौदाबाजार भाटापारा म झारखंड के आनलाइन ठगी करइया गिरोह सपड़ाये हावय।
पुलिस कोति ले मिले आरो के मुताबिक स्वयं ल बैंक के अधिकारी बताके आरोपी मन कोति ले घटना ल अंजाम दे गिस। मोबाइल फोन म जानकारी मांग, ओटीपी नंबर हासिल करके निकाल लिस रकम। आरोपी मन कुल 110000 रूपिया फर्जी तरीका ले निकालिस। थाना भाटापारा ग्रामीण पुलिस डहर ले झारखंड राज्य म कैंप करके पकड़े गे आरोपी के गिरफ्तारी म झारखंड, जिला देवघर के थाना पथरौल पुलिस स्टाफ के सहयोग रिहिस।
आरोनी मनके नाम नाम-
01. जितेंद्र कुमार दास पिता छत्तीस दास उम्र 20 साल निवासी ग्राम गौनेया थाना पथरौल जिला देवघर झारखंड
02. सुभाष कुमार पिता शनिच्चर दास उम्र 21 साल निवासी ग्राम गौनेया थाना पथरौल जिला देवघर झारखंड
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।