नाला बनाये म लगे मनखे मनले मारपीट अउ आगजनी करइया माओवादी पकड़ाइस

माओवादी

अंजोर.नारायणपुर। पुलिस अधीक्षक के अगुवई म नारायणपुर पुलिस के डहर ले नक्सल विरोधी अभियान संचालित करे जात हावय। इही ओढ़र म साल 2014 म बुता म लगे कर्मचारी मनले मारपीट करके मिक्सर मशीन म आगजनी के घटना कारित करे वाला माओवादी संघम सदस्य म कार्यवाही करत नारायणपुर पुलिस ल सफलता मिले हावय। जानबा हो के फरवरी 2014 म कोचवाही नाला के पास बनाये बुता चल रिहिस जेन बखत नेलनार दलम के सदस्य मन अउ नक्सली साथी के डहर ले बनाये बुता म लगे कर्मचारी मन ले मारपीट करके मिक्सर मशीन के आग लगे करके घटना के अंजाम दे गे रिहिस। मामला म थाना नारायणपुर म नेलनार दलम के माओवादियों के विरुद्ध धारा 147, 148, 149, 506, 435 भादवि अउ धारा 25, 27 आर्म्स एक्ट के तहत अपराध पंजीबद्ध करके अनुसंधान म लिस गे रिहिस।

मामला म पुलिस अधीक्षक सदानंद कुमार अउ अकताहा पुलिस अधीक्षक, (नक्सल अभियान) पुष्कर शर्मा के मार्गदर्शन, अउ अकताहा पुलिस अधीक्षक हेमसागर सिदार, अनुविभागीय अधिकारी (पुलिस) नारायणपुर लौकेश बंसल के पर्यवेक्षण म घटना म संलिप्त माओवादी के पतासाजी करे जात रिहिस। पतासाजी ले जानबा होइस के मामला म संलिप्त एक आरोपी बखरुपारा क्षेत्र म देखे गे हावय सूचना म उप पुलिस अधीक्षक (डीआरजी) विनय साहू के अगुवई म डीआरजी टीम अउ निरीक्षक -तोपसिंह नवरंग थाना प्रभारी नारायणपुर के अगुवई म टीम गठित करके कार्यवाही बर रवाना करे गिस रिहिस। ये टीम के डहर ले बखरुपारा क्षेत्र म एक मनखे के पहचान करके घेराबंदी करके पकड़े गिस जेकर ले पूछताछ करे म ओमन अपन नाम मंगतू राम वड़दा निवासी कुतूल जिला नारायणपुर के होना बताइन, जेन साल 2010 ले नक्सली संगठन कुतूल एरिया म संघम सदस्य के रुप म बुता करिन हावय, जेन फरवरी 2014 म नेलनार दलम के माओवादी के संग मिलके कोचवाही नाला के पास बुता म लगे कर्मचारी मनले मारपीट करके मिक्सर मशीन म आग लगा के घटना अंजाम देना स्वीकार करिन। मामला म आरोपी मंगतू राम वड़दा के नारायणपुर पुलिस के डहर ले गिरफ्तार करके न्यायिक रिमांड म जेल भेजे गे हावय। गिरफ्तार माओवादी के संबंध म पहिली ही नारायणपुर पुलिस डहर ले 10000 रूपिया के ईनाम उद्घोषणा आदेश जारी करे रिहिस।