 |
| हॉकी वर्ल्ड कप ट्रॉफी |
अंजोर.रायपुर। हॉकी वर्ल्ड ट्रॉफी 24 दिसंबर के छत्तीसगढ़ पहुंचही। राजधानी रायपुर म मुख्यमंत्री भूपेश बघेल ट्रॉफी के अनावरण करही। हॉकी वर्ल्ड कप के ट्रॉफी ल हॉकी इंडिया नवा दिल्ली डहर ले देश के आने-आने 16 राज्य म भ्रमण कराये जात हावयं। आखरी पड़ाव म ये छत्तीसगढ़ के राजधानी रायपुर पहुंचे हावय। जानबा हावय के ओडिशा म 13 ले 29 जनवरी 2023 तक एफआईएच ओडिशा मेन्स वर्ल्ड कप आयोजित करे जात हावय। ये प्रतियोगिता भुवनेश्वर अउ राउरकेरा म संपन्न होही।
हॉकी वर्ल्ड ट्रॉफी रायपुर पहुंचे म मुख्यमंत्री निवास कार्यालय म ए ट्रॉफी के स्वागत के खातिर कार्यक्रम के आयोजन करे गे हावय। कार्यक्रम के मुख्य पहुना मुख्यमंत्री भूपेश बघेल होही। खेल अउ युवा कल्याण मंत्री उमेश पटेल कार्यक्रम के अध्यक्षता करही। मुख्यमंत्री निवास म बिहनिया 10.30 बजे आयोजित मुख्य कार्यक्रम म मुख्यमंत्री बघेल हॉकी वर्ल्ड ट्रॉफी के अनवारण तको करही।
छत्तीसगढ़ हॉकी के महासचिव मनीष श्रीवास्तव ह बताइन के ये पहिली मउका हावय, जब हॉकी वर्ल्ड कप के ट्रॉफी रायपुर आत हावय। येकर पहिली 23 दिसंबर 2022 के फील्ड मार्शल के.एम. करिअप्पा स्टेडियम बेंगलुरू (कर्नाटक) म एक भव्य समारोह म ट्रॉफी के छत्तीसगढ़ हॉकी के अध्यक्ष फिरोज अंसारी ल सउपे जाही।
श्री अंसारी बेंगलुरू ले ये ट्राफी लेके बिहनिया 9 बजे फ्लाइट ले स्वामी विवेकानंद एयरपोर्ट रायपुर पहुचही, जिहां बाजे-गाजे के संग ट्रॉफी के स्वागत करे जाही। सबो खिलाड़ी अउ खेल संघ के पदाधिकारी उहां ले ट्रॉफी के लेके बिहनिया 10.30 बजे मुख्यमंत्री निवास पहुचही। कार्यक्रम के बाद ट्रॉफी के रैली के रूप म शहर के नेताजी सुभाष स्टेडियम ले जाये जाही। उहाँ ले शहर के एक बड़े मॉल अउ तेलीबांधा मरीन ड्राइव म आम जनता बर प्रदर्शन के खातिर ले जाया जाही। येकर बाद ये ट्रॉफी विश्व कप आयोजन जगह भुवनेश्वर बर रवाना होही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।