 |
| Chhattisgarhi Film जंगली के शूटिंग कवर्धा के जंगल म |
अंजोर.सिनेमा। छत्तीसगढ़ी सिनेमा म बीरबल पाणिग्रही नाम ले कोनो अनजान नइ होही, उंकर फाइट अउ एक्शन के कमाल छॉलीवुड म बॉलीवुड अउ हॉलीवुड के रोमांच देवाये। अब बीरबल के निर्देशन म छत्तीसगढ़ी फिल्मत ‘जंगली’ बनत हावय। जंगली म अभिनेता के रूप म बॉबी मखीजा अउ अभिनेत्री काजल पांडे डेब्यूं करही। मिले आरो के मुताबिक से फिल्म के शूटिंग कवर्धा के बीहड़ जंगल म करे जावथे।
फिल्म के कलाकार मन कोति ले मिले शूटिंग पिक ले आकब होथे के ये ग्रामीण परिवेश के कहानी आए अउ वनांचल के हसीन वादी येमा देखे बर मिलही। अहम किरदार म बॉबी मखीजा अउ काजल पांडे के अलावा विनायक अग्रवाल, राम पाल, पिंकी साहू, अमित मनहर, मोनिका जैन, ललित उपाध्याय, शैलेंद्र भट्ट, चोवाराम, मनोज पांडे आदि के दमदार भूमिका हावय।
फिल्म मुहूर्त-
छत्तीसगढ़ी फिल्म ‘जंगली’ के मुहूर्त छत्तीसगढ़ के महान संत बाबा गुरू घासीदास जंयती के दिन 18 दिसंबर के करे गिस। अभी फिल्म के शूटिंग के पहिली शेड्यूल कवर्धा के जंगल म लगे हावय। सबो कलाकार मन साल 2022 के विदाई अउ सुवागत के उमंग के संग 2023 के सफल फिल्म बर मेहनत करत हाबे।
- छत्तीसगढ़ी फिल्म- जंगली
- निर्माता- राम पाल, ऋषि साहू
- निर्देशक- बीरबल पाणिग्रही
- कैमरामैन- राहुल वर्मा
- कलाकार- बॉबी मखीजा, काजल पांडे, विनायक अग्रवाल, राम पाल, अमित मनहर, पिंकी साहू, मोनिका जैन, ललित उपाध्याय, शैलेंद्र भट्ट, चोवाराम, मनोज पांडे आदि।
Upcoming chhattisgarhi film
- Movie- Junglee
- Producer- Ram Pal, Rishi Sahu
- Director- Birbal Panigrahi
- Cameraman- Rahul Verma
- Cast - Bobby Makhija, Kajal Pandey, Vinayak Agarwal, Ram Pal, Amit Manhar, Pinky Sahu, Monika Jain, Lalit Upadhyay, Shailendra Bhatt, Chowaram, Manoj Pandey etc.
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।