हसदेव बांगो परियोजना, मिनीमाता बांगो बांध सहित अउ सात सिंचाई योजना खातिर 29.40 करोड़ रूपिया स्वीकृत... पढ़व ‘अंजोर : छत्तीसगढ़ी समाचार’ म पूरा खबर

सात सिंचाई योजना खातिर 29.40 करोड़ रूपिया स्वीकृत

अंजोर.रायपुर। छत्तीसगढ़ शासन ह प्रदेस के सात आने-आने सिंचाई परियोजना के बुता खातिर 29 करोड़ 40 लाख 81 हजार रूपिया स्वीकृत करे  हावय। कोरबा जिला के विकासखण्ड-कोरबा ले हसदेव बांगो परियोजना के ले हसदेव बांयी तट नहर के बाईपास अउ पावर केनाल के जीर्णोद्धार अउ सी.सी. लाईनिंग के मरम्मत बुता अउ 100 मी. ले 4400 मी. बाईपास नहर के क्षतिग्रस्त सी.सी. लाईनिंग बनाये बुता के खातिर तीन करोड़ 85 लाख 14 हजार रूपिया स्वीकृत करे  गे हावय। इही रकम ले ले हसदेव बांयी तट नहर म क्रास रेग्युलेटर अउ एस्केप चैनल के बनाये बुता के खातिर तीन करोड़ 94 लाख 28 हजार रूपिया स्वीकृत करे गे हावय। विकासखण्ड- कोरबा म सिंचाई कालोनी रामपुर संभागीय कार्यालय के बाउण्ड्रीवाल के बनाये बुता के खातिर एक करोड़ 83 लाख 11 हजार रूपिया स्वीकृत करे  गे  हावय। 

कोरबा जिला के मिनीमाता बांगो बांध के कार्यालयीन परिसर अउ आन भवन अहाता बनाये अउ एप्रोच रोड के नवीनीकरण बुता के खातिर तीन करोड़ 42 लाख 57 हजार रूपिया अउ मिनीमाता बांगो परियोजना ले बांध के स्पिलवे ब्रिज के डेकस्लेब के खल्हे लगे बियरिंग बदले के बुता के खातिर एक करोड़ 44 लाख 13 हजार रूपिया स्वीकृत करे  गे हावय। मिनीमाता बांगो परियोजना बांध के इरीगेशन स्लूस के अपस्ट्रीम म गाइडरेल, स्टाप लॉक लगाये के कार्य, बकेट नम्बर 04 के जल के खाली कराइन अउ ई.डी.पी. के पास हार्ड रॉक कटिंग के बुता के खातिर तीन करोड़ 70 लाख 35 हजार रूपिया स्वीकृत करे  गे हावय। कोरबा जिला के विकासखण्ड-पाली के ले गुंजननाला व्यपवर्तन योजना के खातिर 11 करोड़ 21 लाख 23 हजार रूपिया स्वीकृत करे  गे हावय।