 |
| भूपेश सरकार के 4 साल पूरा, 17 दिसंबर के होही छत्तीसगढ़ गौरव दिवस के आयोजन |
अंजोर.रायपुर। मुख्यमंत्री भूपेश बघेल के अगुवई म राज्य सरकार के 04 साल के कार्यकाल पूरा होए म 17 दिसंबर के शासन डहर ले छत्तीसगढ़ गौरव दिवस के आयोजन करे जाही। ए दिन राज्य के सबो गौठान, सहकारी सोसायटी परिसर, धान खरीदी केन्द्र, तेंदूपत्ता संग्रहण केन्द्र, वनोपज प्रबंधन समिति मन के कार्यालय स्थल, सबो जिला म संचालित हाट-बाजार, नगरीय क्षेत्र के वार्ड म कार्यक्रम के आयोजन करके लोगन ल शासन के जनकल्याणकारी योजना मन के जानकारी दे जाही। बिहनिया 11 बजे मुख्यमंत्री भूपेश बघेल राज्य के जनता के नाम संदेश दिही।
छत्तीसगढ़ गौरव दिवस के आयोजन के जेन रूपरेखा तइयार करे गे हावय, उंकर मुताबिक राज्य के सबो गउठान म 17 दिसंबर 2022 के बिहनिया 11 बजे किसान मन, गउठान समिति के अध्यक्ष अउ सदस्य, पशुपालक, भूमिहीन मजदूर, जनप्रतिनिधी मन, स्थानीय निकाय के सदस्य, राजीव युवा मितान क्लब के सदस्य मन सहित स्थानीय निवासी मन के आमंत्रित करे जाही अउ शासन डहर ले पाछु 04 साल म आने-आने योजना मन के ले हासिल करे गे उपलब्धि के जानकारी दे जाही। संग ही शासन के प्रमुख योजना मन के जानकारी तको दे जाही।
दोपहर 3 बजे प्राथमिक सहकारी सोसायटी परिसर, धान खरीदी केन्द्र म किसान मन के आमंत्रित करके शासन के कृषि संबंधी प्रमुख योजना मन जइसे के ब्याज मुक्त करजा योजना, राजीव गांधी किसान न्याय योजना उककी जानकारी ओला दे जाही। प्रदेस के वन क्षेत्र म इही दिन बिहनिया 11 बजे तेंदुपत्ता संग्रहण केन्द्र अउ वनोपज प्रबंधन समिति के कार्यालय जगह म तको किसान मन अउ मजदूर मन के खातिर संचालित योजना मन के जानकारी दे जाही। सबो जिला म संचालित हाट बाजार जगह म तको लोगन के शासन के जनकल्याणकारी योजना मन के जानकारियां दे जाही। नगरीय क्षेत्र म वार्ड स्तर म बिहनिया 11 बजे ले कार्यक्रम के आयोजन करे जाही। एमे स्थानीय जनप्रतिनिधी मन अउ वार्ड के निवासी मन ल आमंत्रित करत होइस शासन के 4 साल के उपलब्धि ले ओला अवगत कराये जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।