लोहर्सी अउ खरौद धान खरीदी केन्द्र म गड़बड़ी, हटाये गिस केन्द्र प्रभारी अउ पटवारी होइस निलंबित

अंजोर. जांजगीर-चांपा। मुख्यमंत्री भूपेश बघेल के अगुवई म पाछु एक नवंबर ले धान खरीदी के महाअभियान सुरू हावय। राज्य सरकार डहर ले धान खरीदी बेवस्था के सुचारू  संचालन के खातिर सबो जरूरी बेवस्था करे गे हावय। धान उर्पाजन केन्द्र म लापरवाही पाये जाये म कड़ी कार्यवाही तको करे जात हावयं। इही कड़ी म जांजगीर-चांपा कलेक्टर तारन प्रकाश सिन्हा के निर्देश म जिला के  अधिकारी मन पामगढ़ तहसील के ले धान खरीदी केंद्र पामगढ़, मेहंदी, मेऊ, लोहर्सी अउ खरौद अउ जांजगीर तहसील के खोखरा धान खरीदी केंद्र के निरीक्षण करिन। ए बखत ओला इहां कई गड़बड़ी मिली।  अधिकारी मन निरीक्षण म अव्यवस्था अउ गड़बड़ी पाए जाये म खरौद के धान खरीदी केंद्र प्रभारी ल हटाने अउ केन्द्र म अनुपस्थित पटवारी ल निलंबित करे के निर्देश दिस।

जानबा होवय के जिला कलेक्टर डहर ले धान खरीदी पूरा पारदर्शी तरीका ले करे के निर्देश दे हावय। कलेक्टर के निर्देश म जिला के  अधिकारी मनने खरौद, लोहर्सी सहित आन केन्द्र के आकस्मिक निरीक्षण करिन। ए बखत खरौद, लोहर्सी म अव्यवस्था पाये गिस। उंकर डहर ले किसान मन ले बिसाये करे गे धान के बोरो के भौतिक सत्यापन करे म 1 ले 3 किलोग्राम जादा धान के खरीदी करे जाना पाये गिस। पहिली दिन म खरीदी करे गे धान बोरो के सत्यापन-तौल कराये जाये म 1-3 किलोग्राम कम पाए जाये के सेती अपर कलेक्टर वैद्य ह खरौद के धान खरीदी केंद्र प्रभारी के हटाये जाये के निर्देश संबंधित अधिकारी के दिस। येकर संग ही 03 धान खरीदी केंद्र म 16000 ले 17000 क्विंटल धान खरीदी हो गे हावय। ओमन खरीदे गे धान के जल्दीग ले जल्दी  उठाव कराना सुनिश्चित करे के निर्देश दिस। संग बांचे खरीदी केंद्र म धान के ढके के बेवस्था करे के निर्देश दिस। खरौद पटवारी के धान खरीदी केंद्र म उपस्थित रेहे के खातिर निर्देशित करे गिस रिहिस, किंतु वो ह धान खरीदी केंद्र म अनुपस्थित पाये गिस। अपर कलेक्टर ह अनुविभागीय अधिकारी (राजस्व) पामगढ़ के संबंधित पटवारी म नियम के मुताबिक कार्रवाई करे के निर्देश दिस।