Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

स्कूल म लइका ले कराये ऑसर राईटिंग प्रेक्टिस : कलेक्टर श्रीमती रानू साहू

स्कूल म लइका ले कराये ऑसर राईटिंग प्रेक्टिस : कलेक्टर श्रीमती रानू साहू



अंजोर.रायगढ़। कलेक्टर श्रीमती रानू साहू ह जिला पंचायत के सभाकक्ष म शिक्षा विभाग के समीक्षा बइठक लिस। ओमन लइका के सर्वांगीण विकास के खातिर नवाचारी अउ गुणवत्तापूर्ण शिक्षा बेवस्था सुनिश्चित करत जिला म बढि़या शैक्षणिक वातावरण तइयार करे ल कहिन, जेकर ले अच्छा परिणाम मिले, संग ही प्रतियोगी परीक्षा म जादा ले जादा चयनित हो सके। ओमन सबो बीईओ के बिसेस रूप ले किहिन के स्कूल म पढऩे वाला लइका ल आंसर राईटिंग के प्रेक्टिस करायें ताकि लइका एग्जाम के समय अपन उत्तर पुस्तक म नियत समय म पूरा आंसर सही अउ अच्छा ढंग ले लिख सके। ए मउका म सीईओ जिला पंचायत अबिनाश मिश्रा तको उपस्थित रिहिन।

कलेक्टर श्रीमती साहू ह बइठक के बखत कमजोर लइका के बिसेस फोकस करे के निर्देश दिस। उंकर खातिर आने ले एकस्ट्रा क्लास लगाये अउ पढ़ाई के माहौल बनाये के खातिर निर्देशित करिन। बइठक म कलेक्टर श्रीमती साहू ह स्कूल म शिक्षक मन के सरलग उपस्थिति, स्कूल के सतत मॉनिटरिंग अउ पढ़इया लइका के शत-प्रतिशत उपस्थिति सुनिश्चित करे के निर्देश दे हावय। ओमन लइका के व्यक्तित्व विकास के खातिर हर सप्ताह खेल-कूद, निबंध, भाषण, लेखन प्रतियोगिता जइसे गतिविधी कराइन जाये किहिन। कलेक्टर श्रीमती साहू ह किहिन के लइका के मन म जेन झिझक होवत हावय ओला दूरिहा करें। ओला किताबी ज्ञान के अलावा अपन जिला अउ राज्य ले जेन मनखे सफल होइस हावय उंकर बारे म जानकारी दे। लइका के मोटिवेट करें, उंकर प्रतिभा के निखारे अउ ओला बताये के आप तको पढ़ाई करके वो मुकाम तक पहुंच सकत हावय।

कलेक्टर श्रीमती साहू ह बइठक के बखत स्कूल म बनाये जात जाति प्रमाण-पत्र के संबंध म जानकारी लिस। ओमन स्कूली लइका के जाति परमान पाती के बुताके तेजी ले करे निर्देश दिस। ए बखत ओमन लैलूंगा, तमनार अउ धरमजयगढ़ के खराब प्रदर्शन म गहरी नाराजगी जताइस। ओमन किहिन के लइका के जाति पाती बनवाना सुनिश्चित करें। एमे लापरवाही होए म संबंधित के विरुद्ध कार्यवाही करे जाही। ओमन छात्रवृत्ति के संबंध म तको गोठबात के अउ सबो पात्र लइका के येकर लाभ देवाये ल किहिन। स्कूल म शौचालय के सरलग साफ-सफाई कराइन अउ शिक्षक मन के करार समयावधि म सरलग उपस्थित रेहे के निर्देश दीस अउ समय म स्कूल म अनुपस्थित पाए जाये म सख्त कार्रवाई के बात कहिन।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285