 |
| सामुदायिक स्वास्थ्य केंद्र घरघोड़ा पहुंचिस कलेक्टर |
अंजोर.रायगढ़। कलेक्टर श्रीमती रानू साहू घरघोड़ा के दौरा म रिहिस। इहां म ओमन सामुदायिक स्वास्थ्य केंद्र घरघोड़ा के निरीक्षण करके मरीज मन के खातिर उपलब्ध स्वास्थ्य सुविधा के जायजा लिस। सीईओ जिला पंचायत अबिनाश मिश्रा तको ए बखत संग रिहिन।
कलेक्टर श्रीमती साहू ए बखत पूरा अस्पताल परिसर के निरीक्षण करिन। ओमन आने-आने वार्ड म जाके उहां मरीज मन के खातिर उपलब्ध सुविधा के जायजा लिस। ए बखत उहां भरती मरीज मन ले गोठबात करके इलाज अउ बेवस्था के बारे म उंकर फीडबैक तको लिस। कलेक्टर श्रीमती साहू ह जनरल अउ फीमेल वार्ड, ऑपरेशन थिएटर, जच्चा-बच्चा वार्ड, ओपीडी अउ आईपीडी के निरीक्षण करिन। ओमन रोज आने वाला मरीज मन के संख्या के बारे म तको जानकारी लिस।
कलेक्टर श्रीमती साहू ह किहिन के घरघोड़ा के आसपास रेहे वाला लोगन के खातिर ये नि:शुल्क उपचार के प्रमुख केंद्र हावय। डॉक्टर इहां सरलग रूप ले उपस्थित होवे अउ ओपीडी अउ आईपीडी के संख्या अच्छा होना चाही। अस्पताल म कार्यरत मैन पावर अउ स्टाफ के बारे म तको जानकारी लिस। अस्पताल के ऑपरेशन थिएटर के सुचारू रूप ले चलाने अउ महिला मन के नॉर्मल डिलीवरी के संग सी सेक्शन के खातिर तको समुचित बेवस्था के निर्देश मुख्य चिकित्सा अउ स्वास्थ्य अधिकारी के दिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।