सरकार के योजना ले गरीब के घर म होवथे अंजोर : मुख्यमंत्री भूपेश बघेल

अंजोर
0
सरकार के योजना ले गरीब के घर म होवथे अंजोर : मुख्यमंत्री भूपेश बघेल
सरकार के योजना ले गरीब के घर म होवथे अंजोर : मुख्यमंत्री भूपेश बघेल


अंजोर.रायपुर। मुख्यमंत्री भूपेश बघेल ह बेमेतरा विधानसभा के विकासखंड बेरला के गांव कठिया (रांका) म भेंट-मुलाकात कार्यक्रम म आम जनता के संबोधित करत किहिन के राज्य सरकार के योजना मन ले गरीब मन के घर म अंजोर होवत हाबे। गोधन न्याय योजना, राजीव गांधी किसान न्याय योजना, सुराजी गांव योजना, राजीव गांधी ग्रामीण भूमिहीन कृषि मजदूर न्याय योजना, हाट बाजार क्लिनिक योजना ले आम लोगन के लाभ होवत हाबे। बघेल ह किहिन के हमर सरकार के उद्देश्य आम आदमी के आय म बड़वार करे हावय। योजना इही उदेश्य ल धियान म रखके बनाये जात हावयं।

मुख्यमंत्री बघेल भेंट-मुलाकात म जब आम जनता ले राज्य सरकार के योजना मन म फीडबैक ले रिहिन, तब आनंद गांव के रेहे वाला लक्ष्मी बंजारे ह बताइन के उंकर समूह जय स्व-सहायता समूह ह गउठान ले जुड़के वर्मी कंपोस्ट जैविक खातु बनाया। जेला बेचके अब तक 10 लाख 14 हजार रूपिया के आमदनी होए हावय। समूह म 10 महिला सदस्य हावयं, सबो के एक-एक लाख रूपिया के आमदनी होए हावय। ओमन बताइन के जैविक खातु बेचके समूह के महिला मन परिवार अउ पति के सहयोग करत हावयं। कोनो ह टीवी खरीदी, कोनो ह घर बनाये म मदद की, त कोनो ह अपन पति के खातिर स्कूटी खरीदी हावय। एला सुनके मुख्यमंत्री ह किहिन के योजना मन ले गरीब के घर म अंजोर होवत हाबे। भेंट-मुलाकात म आनंद गांव के रेहे वाला 65 साल के किमीना बंजारे ह बताइन के वर्मी कंपोस्ट बेचके ओमन अपन पति के खातिर मोटरसाइकिल खरीदी हावय अउ घर के खातिर टीवी तको खरीदी हावय। उंकर बात सुनके मुख्यमंत्री ह ओला बधाई दीस।

मुख्यमंत्री ह भेंट-मुलाकात के बखत क्षेत्र के विकास के खातिर केऊ घोसनां करिस। ओमन किहिन के गांव पंचायत कुसमी के नगर पंचायत बनाये जाही मुख्यमंत्री ह कुसमी अउ रांका कठिया म स्वामी आत्मानंद अंग्रेजी माध्यम स्कूल सुरू करने, जेवरा-अर्जुनी- बोरिया रद्दा के उन्नयन अउ नवीनीकरण करे अउ चौड़ीकरण बुता के प्रशासकीय स्वीकृति देने, गांव रांका - कठिया म सामुदायिक भवन के निर्माण, गांव रांका- कठिया म हायर सेकेण्डरी स्कूल के भवन बनाये अउ चना घेघरी घाट के प्रशासकीय स्वीकृति दे करे के घोसना करिस।

मुख्यमंत्री भूपेश बघेल ह भेंट-मुलाकात म अपन सम्बोधन म किहिन के राज्य सरकार डहर ले आम जनता के हर वर्ग के खातिर योजना बनाये गे हावयं। गौ-वंश के संरक्षण के खातिर तको योजना बनाये गे हावय। किसान, आदिवासी तबके के लोगन के जिनगी म सकारात्मक बदलाव लाना सरकार के मुख्य उद्देश्य हावय। ओमन बताइन के प्रदेस के सबो वर्ग के लोगन के भरपेट भोजन के अधिकार मिल सके इही सेती सर्वभौम पीडीएस योजना बनाये गे हावय। हमर पहिली काम किसान मन के करजा माफी रिहिस, जेमा 19 लाख किसान मन के करजा माफ होइस। मुख्यमंत्री ह किहिन के राज्य सरकार अन्नदाता किसान के संग हावय। हमर सरकार ह किसान मन के खातिर राजीव गांधी किसान न्याय योजना लागू करिस। किसान मन के येकर चौथी किस्त 31 मार्च के मिलही।

मुख्यमंत्री ह किहिन के राज्य सरकार किसान मन के धान के कीमत सबले जादा दे रेहे हावय। वादा 25 सौ के रिहिस फेर समर्थन कीमत अउ इनपुट सब्सिडी के मिले कर हम किसान मन के 2640 अउ 2660 रूपिया प्रति क्विंटल दे रिहिन हावयं। मुख्यमंत्री ह किहिन के किसान मन के सुविधा के खातिर धान खरीदी के आसान बनाये गे हावय। ऑनलाइन टोकन के बेवस्था के गे हावयं। मुख्यमंत्री ह येकर पहिली भेंट-मुलाकात जगह म छत्तीसगढ़ महतारी के छायाचित्र म माल्यार्पण, दीप प्रज्वलित करके अउ राज्यगीत के संग भेंट-मुलाकात कार्यक्रम के शुरुआत करिस। मुख्यमंत्री के संग मंच म विधायक आशीष छाबड़ा सहित केऊ जनप्रतिनिधि उपस्थित रिहिस। 

भेंट-मुलाकात के बखत किसान खेदूराम ह मुख्यमंत्री के बताइन के उंकर 25 एकड़ जमीन हावय। ओमन समर्थन कीमत म धान बेचे हावय। राजीव गांधी किसान न्याय योजना के लाभ ओला मिलत हावय। ओमन किहिन के वो राजीव गांधी किसान न्याय योजना के चौथे किश्त के इंतजार करके रिहिन हावयं। किसान खेदू राम ह बताइन के वो ह जैविक खेती करत हावयं, येकर खातिर घर के बाड़ी म ही जैविक खातु बनाते हावयं। उंकर सपना जैविक फसल के बिदेस म बेचे के हावय। मुख्यमंत्री बघेल ह किहिन के धान के बदले आन फसल ले म किसान के राजीव गांधी  किसान न्याय योजना के तहत आदान मदद रकम प्रति एकड़ 10 हजार रूपिया दीस जात हावय। येकर खातिर किसान के फसल बदलाव के जानकारी देना होवत हावय। 

भेंट-मुलाकात म गांव चेटवा निवासी किसान देरहा राम ह बताइन के किसान कल्याण के खातिर बनाये सबो योजना अच्छा हावयं। मोर पास 2.50 एकड़ के जमीन हावय, ए म लिस होइस कर्ज माफ हो गे हावय। कठिया के रेहे वाला श्रीमती यमुना ह मुख्यमंत्री के बताइन के उंकर राशन कारड नइ बना हावय। अपन मायके म ही घर अउ राशन कारड बनवाना चाहत हावयं। उंकर समस्या सुनके मुख्यमंत्री ह पहिली जगह म राशन कारड म दर्ज नाम के काटकर अभी के बेरा जगह ले जोड़े के निर्देश कलेक्टर के दिस। गांव रामपुर के रेहे वाला श्रीमती बांचे कुमारी देवांगन ह बताइन ओमन 37 हजार रूपिया के गोबर बेचके पायल के खरीदी के हावय। श्रीमती बांचे कुमारी ह योजना के बहुत अच्छा बताइन अउ किहिन के अब गोबर के मोल बढ़ गे हावय। संतोषी पुरैना ह बताइन के उंकर राशन कारड बना हावय। चावल, नमक अउ शक्कर प्रति महीना मिलत हावय। 

भेंट-मुलाकात म हाट बाजार क्लीनिक योजना के लाभार्थी दीनदयाल साहू ह बताइन के योजना ले मुफ्त म उंकर अच्छा इलाज होइस हावय। मुख्यमंत्री ह ओला बताइन के राज्य सरकार के डॉ.खूबचंद बघेल स्वास्थ्य मदद योजना हावय। ए योजना के तहत 5 लाख रूपिया तक इलाज करा सकत हावयं। राजीव युवा मितान क्लब के रूपलाल ह मुख्यमंत्री के बताइन के उंकर क्लब म 28 सदस्य हावयं। वो सबो सामाजिक अउ सांस्कृतिक कार्यक्रम म भाग ले रिहिन हावयं।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !