अंजोर.रायपुर। योग आयोग के अध्यक्ष ज्ञानेश शर्मा ह राजधानी रायपुर के 20वां योगाभ्यास केन्द्र के सुरू करिन। छत्तीसगढ़ योग आयोग डहर ले रायपुर के शहीद पंकज विक्रम वार्ड क्र. 58 के नरैया तरिया गार्डन, टिकरापारा, रायपुर म ये केंद्र सुरू करे गे हावय। जानबा होवय के योग आयोग डहर ले रायपुर नगर निगम सरलग योगाभ्यास कार्यक्रम ले शहर के नागरिक के शारीरिक अउ मानसिक रूप ले स्वस्थ रखे अउ उंकर दिनचर्या म योग के सामिल करे के उद्देश्य ले सरलग शहर के आने-आने ठऊर मन म फोकट म योगाभ्यास केन्द्र सुरू करत हावयं।
श्री ज्ञानेश शर्मा ह किहिन के मुख्यमंत्री भूपेश बघेल के मंशा मुताबिक योग के प्रचार प्रसार अउ येकर लाभ आम जनता तक पहुंचे के खातिर छत्तीसगढ़ योग आयोग सरलग प्रयासरत अउ प्रतिबद्ध हावय। सबो लोगन के सहभागिता अउ सहयोग सरलग योगाभ्यास केंद्र के सफलता बर जरूरी हावय।
कार्यक्रम के अध्यक्षता नगर निगम रायपुर के वार्ड पार्षद प्रतिनिधि निशा देवेंद्र यादव ह करिस। विशिष्ठ पहुना के रूप म छत्तीसगढ़ पर्यटन मंडल के उपाध्यक्ष श्रीमती चित्ररेखा साहू, किसान कल्याण परिषद के सदस्य नंदकुमार पटेल, योग साधकगण सहित गणमान्य नागरिक उपस्थित रिहिन। योगाभ्यास के संचालन योग प्रशिक्षक श्रीमती दुर्गा साहू डहर ले रोज बिहनिया 06 ले 07 बजे तक नरैया तरिया गार्डन, टिकरापारा, रायपुर म करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।