6 नवंबर तक चलही अब राज्योत्सव, सीएम बघेल करिस घोसना

अंजोर.रायपुर। छत्तीसगढ़ राज्य स्थापना दिवस के जबर जलसा एसो राष्ट्रीय आदिवासी ऩृत्य महोत्सव संघरे चलत रिहिसे। जेमा देस-विदेस के कलाकार मनके रंगारंग सास्कृतिक प्रस्तुति के संगे-संग सरकार के विकास के प्रदर्शनी तको लगाये गे रिहिस। राजधानी के अलावा प्रदेशभर लोगन मन सरलग देखे खातिर पहुंचत रिहिसे। तीन तक चलइया ये राष्ट्रीय आदिवसी ऩृत्य महोत्सव के समापन के बेरा म लोगन के मांग म प्रदेश के मुखिया मुख्यमंत्री भूपेश बघेल ह राज्योत्सव ल 6 नवंबर तक जारी रेहे के बड़का घोसना करे हावय।