राष्ट्रीय आदिवासी नृत्य महोत्सव के माई पहुना झारखण्ड के मुख्यमंत्री हेमंत सोरेन के राजकीय गमछा ले सुवागत करिन छत्तीसगढ़िया मुख्यमंत्री

अंजोर.रायपुर। राजधानी रायपुर म होवत तीन दिन के राष्ट्रीय आदिवासी नृत्य महोत्सव के समापन समारोह म माई पहुना के रूप म झारखण्ड के मुख्यमंत्री हेमंत सोरेन सामिल होइन। ये मउका म छत्तीसगढ़िया मुख्यमंत्री भूपेश बघेल ह उंकर सुवागत राजकीय गमछा पहिना के अउ सुरता चिन्हा भेट करके करिस। जानबा होवय के ये जबर जलसा म देस-विदेस के सैकड़ों कलाकार मन अपन प्रस्तुति दे हावय।