अंजोर.जांजगीर। प्रार्थी विनय पाटले निवासी गढ़ोला ह थाना जांजगीर म रिपोर्ट दर्ज कराइन के आरोपी रतन गौरहा अउ गिरजा गौरहा डहर ले प्रार्थी ले नवंबर 2017 ले मार्च 2018 के बीच सहायक विकास विस्तार अधिकारी (एडीईओ) म नौकरी लगाये के नाम म आठ लाख रूपिया के ठगी करिन हावय। प्रार्थी डहर ले अपन पिता के एकाउंट ले 700000/रू सात लाख रूपिया के रतन गौरहा के खाता म अउ 100000/रू एक लाख रूपिया के रतन गौरहा अउ उंकर पत्नि गिरजा गौरहा के गांव गढ़ोला म नगद दे हावय। प्रार्थी के रिपोर्ट म आरोपी मन के विरूद्ध थाना जांजगीर म अपराध क्रमांक 849/22 धारा 420,34 भादवि पंजीबद्ध करके विवेचना म लिस।
प्रकरण के गंभीरता के धियान म रखत होइसआरोपी रतन गौरहा उमर 56 साल अउ गिरजा गौरहा उमर 51 साल दुनों निवासी भैंसो थाना पामगढ़ के गिरफ्तार करके दिनांक 19.11.22 के न्यायिक रिमाण्ड म भेजे गिस। आरोपी मन के गिरफ्तार करे अउ विवेचना कार्यवाही म निरी0 उमेश कुमार साहू, सउनि उमेन्द्र मिश्रा, प्र.आर. जगदीश अजय, आर. दिलीप सिंह, सीताराम सूर्यवंशी, सुनिसल साहू अउ म.आर. मालती लहरे के सराहनीय योगदान रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।