राज्य स्तरीय युवा महोत्सव 12 ले 14 जनवरी तक

अंजोर.रायपुर। प्रदेस म राज्य स्तरीय युवा महोत्सव 2022-23 के आयोजन 12 ले 14 जनवरी 2023 तक करे जाही। येकर तइयारी ल देखत मुख्य सचिव अमिताभ जैन ह महानदी भवन मंत्रालय म बइठक लिस। बइठक म संबधित विभाग के जिम्मेदारी दीस। सोशल मीडिया सहित आन माध्य म बड़का प्रचार प्रसार करे जाए। ओमन राज्य स्तरीय आयोजन म आने वाला भाग लेवइया मन ल लाने जे जाये, रद्दा म भोजन अउ भाग लेवइया मन के रूके उक के पुख्ता बेवस्था करे के निर्देश दिस।

जानबा होवय के युवा महोत्सव म भाग ले वाला सबो भाग लेवइया मन के 500 रूपिया प्रति भाग लेवइया प्रोत्साहन रकम दे जाही। ए संबंध म मुख्यमंत्री बघेल ह पहिली म घोसना करे रिहिस। ये प्रतिभागी के प्रोत्साहन रकम परिधान, विजेता भाग लेवइया मन के पुरस्कार अउ परमान पत्र, निर्णायक के चयन सहित उंकर आन बेवस्था के जिम्मेदारी खेल अउ युवा कल्याण विभाग ल दे हावय। बइठक म किहिन के राज्य स्तरीय युवा महोत्सव के आयोजन के खातिर पहिली कस कलेक्टर रायपुर के अध्यक्षता म लोकल ऑर्गेनाइजिंग कमेटी गठित करे जाए। ठंड के मौसम के देखत होइस भाग लेवइया मन के खातिर गर्म पानी, अलाव के संग आन आवश्वयक बेवस्था करे संबधित जिला के नगर निगम या नगर पालिका के किहिन। संग ही संभाग अउ राज्य स्तरीय आयोजन के खातिर जिला ले आने वाला भाग लेवइया मन के टीम के बिस्तर, कम्बल अउ टार्च के संग रवाना करे  जाये के निर्देश दे गिस।

बइठक म किहिन के राज्य स्तरीय युवा महोत्सव म बड़े संख्या म भाग लेवइया एकत्र होही, सरी समारोह जगह म दैनिक साफ-सफाई सरलग रूप ले करे जाए। मोबाइल टॉयलेट के बेवस्था करे जाए। संग ही स्वास्थ्य दल के गठन करे जाए। एम्बूलेंस, दवई फर्स्टएड किट के तको इंतजाम करिन जाए। बइठक म आने-आने विभाग के अधिकारीगण उपस्थित रिहिस।