Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

भारतीय शतरंज टीम के कोच बनिस छत्तीसगढ़ के प्रख्यात चेस खिलाड़ी किरण अग्रवाल

भारतीय शतरंज टीम के कोच बनिस छत्तीसगढ़ के प्रख्यात चेस खिलाड़ी किरण अग्रवाल
भारतीय शतरंज टीम के कोच बनिस छत्तीसगढ़ के प्रख्यात चेस खिलाड़ी किरण अग्रवाल

अंजोर.रायपुर। छत्तीसगढ़ के प्रख्यात अंतर्राष्ट्रीय शतरंज खिलाड़ी सु़श्री किरण अग्रवाल ल अखिल भारतीय शतरंज महासंघ ह भारतीय शतरंज टीम के कोच नियुक्त करे हावय। सुश्री किरण अवइया 13 नवम्बर ले 23 नवम्बर तक श्रीलंका म आयोजित होवइया कामनवेल्थ चेस चौम्पियनशिप म सामिल होवत 16 सदस्यीय भारतीय टीम म बतौर कोच सामिल करही। कोच बनाए जाये म मुख्यमंत्री भूपेश बघेल ह ओला बधाई अउ सुभकामना दीस अउ किहिन के उंकर खेल कौशल अउ अनुभव के लाभ भारतीय टीम ल मिलही। खेल अउ युवा कल्याण मंत्री उमेश पटेल ह ओला बधाई दीस अउ किहिन के नवा खेल प्रतिभा के तराशने म उंकर अहम योगदान हावय। उंकर मार्गदर्शन म भारतीय शतरंज टीम अपन अच्छा प्रदर्शन जरूर करही। येकर ले पहिली 2004 म दुर्ग जिला के भिलाई के किरण अग्रवाल ह भारतीय शतरंज टीम के कोच बने के गौरव हासिल करिन।

किरण अग्रवाल के कोच बनाये जाये म प्रदेस के शतरंज खिलाड़ी म हर्ष व्याप्त हावय। जानबा होवय के शतरंज ओलंपियाड के समय छत्तीसगढ़ म टॉर्च रिले लाने गे रिहिस अउ टॉर्च थामने के सौभाग्य तको किरण ल मिले  रिहिस। सुश्री किरण के अलावा प्रवीण थिप्से, व्ही रविचंद्रन अउ प्रसन्नजीत दत्ता तको भारतीय शतरंज टीम के कोच बनाए गे हावयं।

किरण अग्रवाल के उपलब्धी-

सुश्री किरण अग्रवाल प्रदेस के एकमात्र महिला शतरंज खिलाड़ी हावय, जेला वीमेन फीडे मास्टर के टाइटल विश्व शतरंज महासंघ डहर ले प्रदत्त करे गे हावय। किरण ह लंदन, दुबई, जर्मनी, यूगोस्लाविया, बांग्लादेश, दोहा (कतर) जइसे लगभग 15 ले जादा प्रमुख देश म भारत के प्रतिनिधित्व करत होइस अपन प्रदर्शन ले प्रतिद्वंदियों के लोहा मनवा चुके हावयं। येकर उपलब्धि के देखत होइस तात्कालीन मध्यप्रदेश सरकार ह 1986 म ओला विक्रम एवार्ड ले नवाजा रिहिस।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285