छत्तीसगढ़ म सिरजत हाबे बापू के स्वावलंबी गांव के सपना : मुख्यमंत्री भूपेश बघेल

मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह किहिन के छत्तीसगढ़ म राष्ट्रपिता महात्मा गांधी के स्वावलंबी गांव के परिकल्पना धीरे-धीरे साकार होत हावय। गोधन न्याय योजना के तहत गांव म बनाए गे गउठान म ले 3089 गउठान स्वावलंबी हो गे हावयं। 15 अक्टूबर ले 31 अक्टूबर 2022 तक गउठान म बिसाये  गे गोबर के एवज म भुगतान करे गे रकम म ले लगभग 50 परतिसत रकम के भुगतान स्वावलंबी गउठान डहर ले करे गे हावय। ये एक बड़का बदलाव हावय। स्वावलंबी गउठान ह अब तक अपन संसाधन ले 24.15 करोड़ रूपिया के गोबर खरीदी करे हावय।

किसान मनके 68.90 करोड़ रूपिया के करिन भुगतान

मुख्यमंत्री बघेल अपन निवास कार्यालय म गोधन न्याय योजना के हितग्राही मन के गोबर खरीदी के राशि, महिला स्वसहायता समूह अउ गउठान समिति मन के लाभांश रकम अउ गन्ना उत्पादक किसान मन के गन्ना प्रोत्साहन रकम ल बाटे के खातिर आयोजित कार्यक्रम के सम्बोधित करत रिहिन। मुख्यमंत्री ह खरीफ के रकम ले रबी सीजन म तको वर्मी कम्पोस्ट के उपयोग के बढ़ावा दे अउ गउठान म गौ मूत्र के खरीदी के प्रोत्साहित करे के निर्देश  अधिकारी मनजा दिस।

जानबा होवय के अक्टूबर महीना के आखरी पखवाड़ा म खरीदे गे गोबर के एवज म कुल 4.69 करोड़ रूपिया के भुगतान आज गोबर बेचे वाला गांव वाला अउ पशुपालक ल करे गे हावय। ए रकम म ले विभाग डहर ले 2.37 करोड़ रूपिया अउ स्वावलंबी गउठान डहर ले 2.32 करोड़ रूपिया के भुगतान करे गे हावय। मुख्यमंत्री ह किहिन के ये एक सकारात्मक बदलाव हावय। राज्य सरकार के तको ये मंशा हावय के आने वाला समय म सबो गउठान स्वावलंबी बने। उहां के गतिविधी के संचालन गउठान समितियां अपन संसाधन ले कर सकें।

मुख्यमंत्री ह गन्ना प्रोत्साहन योजना

मुख्यमंत्री भूपेश बघेल ह कार्यक्रम म गोबर बेचइया पशुपालक गांव वाला, गउठान ले जुरे महिला समूह अउ गउठान समिति मन के 5 करोड़ 35 लाख रूपिया के रकम ऑनलाइन जारी करिस। गौठान म 15 अक्टूबर ले 31 अक्टूबर तक पशुपालक गांव वाला, किसान मन, भूमिहीन ले बिसाये करे  गे 2.35 लाख क्विंटल गोबर के एवज म करे गिस 4.69 करोड़ रूपिया भुगतान करे गिस। इही रकम ले गउठान समिति मन के 39 लाख अउ महिला समूह के 27 लाख रूपिया के लाभांश रकम के भुगतान करे गिस। कार्यक्रम म कृषि मंत्री रविन्द्र चौबे, स्कूल शिक्षा मंत्री डॉ प्रेमसाय सिंह टेकाम, छत्तीसगढ़ राज्य खनिज विकास निगम के अध्यक्ष गिरीश देवांगन, मुख्यमंत्री के सलाहकार प्रदीप शर्मा, कृषि उत्पादन आयुक्त डॉ कमलप्रीत सिंह तको उपस्थित रिहिस।