अंजोर.रायपुर। प्रदेश म कोरोना संक्रमण ल रोके खातिर राज्य सरकार के डहर ले करे गे प्रयास के परिणाम हावय के छत्तीसगढ़ म कोरोना संक्रमण के रफ्तार लगभग थम गे हावय। ये सरकार अउ प्रदेसवासी के खातिर राहतभरी खबर हावय। राज्य म कोरोना जांच के 18 नवम्बर के रिपोर्ट के मुताबिक मात्र दू जिला बालोद म एक अउ दुर्ग जिला म 6 मनखे नवा कोरोना संक्रमित मिलिस, जबकि बांचे जिला म कोरोना संक्रमित के संख्या निरंक हावय। राज्य म कोविड-19 के सक्रिय मामला तको तेजी ले घटत हावय।
कोरोना के दूसरा अउ तीसरा लहर म राजधानी रायपुर सहित, रायगढ़, बिलासपुर, जांजगीर-चांपा जिला म स्थिति भयावह हो गे रिहिस, फेर राज्य सरकार ह संक्रमण ल रोके के खातिर जेन रकम ले कदम उठाए, ओमा सफलता मिले हावय। राज्य सरकार ह जरूरत पड़े म लॉकडाउन लगाए। साथ म कोरोना गइडलाइन के सख्ती ले पालन कराइन अउ लोगन केल गाइडलाइन के पालन करे के खातिर जागरूक तको करिन। राज्य सरकार ह दूसर कोति रोज होए वाला जांच के संख्या बढाके पॉजिटिव लोगन के आइसोलेट करके उंकर इलाज कराया। येकर संग ही राज्य सरकार ह नवा पॉजिटिव केस के रोके के खातिर टीकाकरण अभियान के तको पूरा प्राथमिकता के संग चलाया, जेकर सेती ले नवा पॉजिटव मरीज मन के संख्या म सरलग कमी आई। अब ताजा हालात के बात करें त स्वास्थ्य विभाग के कोति ले 18 नवंबर के जारी रिपोर्ट के मुताबिक कोरोना के नवा मरीज मन के संख्या म भारी गिरावट आये हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।