सिनेमा। छत्तीसगढ़ी फिल्म ‘साथी रे’ म फेर एक पइत छॉलीवुड के सबले रोमांटिक जोड़ी मन कुरैशी अउ मुस्कान साहू अवइया हाबे। संगी मनला बीए फर्स्ट ईयर, आई लव यू अउ आई लव यू टू तो सुरता होबे करही, जेन म ये दूनों के जोड़ी ह गजब धमाल मचाये रिहिस। दर्शक मन किथे के छॉलीवुड म सबले जादा रोमांटिक जोड़ी मन कुरैशी अउ मुस्कान साहू के हाबे। 1 दिसंबर ले रिलीज होवइया फिल्म के टाकीज लिस्ट तको जारी कर दे हावय। फिल्म से जुडे लोगन मनके संग हिरो-हिरोइन प्रमोशन म लगे हावय।
मिले आरो के मुताबिक छत्तीसगढ़ी फिल्म ‘साथी रे’ दो दर्जन ले जादा सिनेमाघर म लगही। प्रभात टॉकीज रायपुर, अप्सरा टॉकीज दुर्ग, श्री कृष्णा टॉकीज राजनांदगांव, शिव टॉकीज बिलासपुर, देवश्री टॉकीज धमतरी, श्री महल टॉकीज भटगांव, रामनिवास टॉकीज रायगढ़, न्यू राज टॉकीज तिल्दा, चित्रा मल्टीप्लेक्स कोरबा, तक्ष सिनेमा शिवरीनारायण, निहारिका मल्टीप्लेक्स कोरबा, आब सिनेमा बिर्रा, सिनेवर्ल्ड कांकेर, बालाजी सिनेमा कसडोल, सिटीप्लेक्स, भाटापारा, सिटी सिनेमा, बागबाहरा आदि म लगे के आरो मिले हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।