नगरीय प्रशासन मंत्री डॉ. शिवकुमार डहरिया अउ संसदीय सचिव सुश्री शकुन्तला साहू ह समोदा बैराज नहर के करिस भूमिपूजन

नगरीय प्रशासन मंत्री डॉ. शिवकुमार डहरिया अउ संसदीय सचिव सुश्री शकुन्तला साहू

अंजोर.रायपुर। रायपुर जिला के विकासखंड आरंग म राजीव समोदा निसदा व्यपवर्तन योजना के दूसर चरण के तहत मुख्य नहर के आर.डी क्रमांक 26.92 किलोमीटर ले 31.33 किलोमीटर तक बांचे नहर बनाये के बुता जेकर लागत करीब आठ करोड़ 31 लाख रूपिया हावय। नगरीय प्रशासन मंत्री डॉ. शिवकुमार डहरिया ह समोदा बैराज नहर बनाये बुता के भूमिपूजन करिन। कार्यक्रम म विशिष्ट पहुना संसदीय सचिव जल संसाधन विभाग सुश्री शकुन्तला साहू रिहिस। समोदा बैराज म बांचे नहर बनाये के बुता पूरा हो जाये म क्षेत्रीय किसान मन ल अपन खेत म सिंचाई के सुविधा मुहैया होही। येकर ले गांव अमसेना, केशला, धौराभाठा अउ मोहगांव सहित आन गांव म नहरो ले सिंचाई के खातिर पानी मिलही।

नगरीय प्रशासन मंत्री डॉ. डहरिया ह कार्यक्रम के संबोधित करत किहिन के मुख्यमंत्री भूपेश बघेल के अगुवई म छत्तीसगढ़ म किसान हितैषी योजना मन के तहत किसान मन के लाभान्वित करे जात हावय। ओमन किहिन के समौदा बैराज नहर बनाये बुता बहुत जरूरी रिहिस, येकर वन जाये ले किसान मन के सिंचाई के खातिर पर्याप्त जल मिलही। ओमन किहिन के मुख्यमंत्री भूपेश बघेल अउ कृषि मंत्री रविन्द्र चौबे जी के मार्गदर्शन म प्रदेस म खेती किसानी अउ सिंचाई सुविधा के विस्तार के केऊ  बुता करे  जा रिहिन हावयं। डॉ. डहरिया ह  अधिकारी मनसे किहिन के नहर बनाये बुता के जल्दी  पूरा करायें जेकर ले किसान ल फायदा हो।

भूमिपूजन कार्यक्रम म जनपद अध्यक्ष खिलेश देवांगन, जिला पंचायत सदस्य श्रीमती दुर्गा राय अउ केसरी मोहन साहू मौजूद रिहिस। इही रकम ले ले कार्यक्रम म कोमल साहू, संजय चेलक, खेदू डहरिया, शिवकुमार साहू, दशरू बंजारे, पुनीतराम साहू, श्रीमती राजेश्वरी डहरिया, श्रीमती कांति शत्रुहन कुर्रे अउ कुमार साहू सहित आन जनप्रतिनिधि अउ बड़े सख्या म क्षेत्रीय नागरिक मौजूद रिहिस।