![]() |
इन्द्रावती टायगर रिजर्व म दिखिस नवा बाघ |
अंजोर.रायपुर। इन्द्रावती टायगर रिजर्व बीजापुर म बाघ के कुल संख्या अब 5 ले बढ़के 6 होगे हावय। इहां लगाए गे ट्रेप कैमरा म इन्द्रावती टायगर रिजर्व के ले पाछु दिन एक बाघ के फोटोग्राफ मिले रिहिस। एला डब्ल्यू आये आई टायगर सेल देहरादून डहर ले नवा बाघ के रूप म पुष्टि करे गे हावय। जानबा होवय के राज्य म वन मंत्री मोहम्मद अकबर के कुशल मार्गदर्शन म विभाग डहर ले वन्यजीव संरक्षण के प्रति जागरूकता लाने के खातिर लोगन के संग मिलके वन्यजीव संरक्षण के बुता सरलग करे जात हावय।
इन्द्रावती टायगर रिजर्व बाघ के रहवास के खातिर उपयुक्त जगह हावय, जिहां बाघ के अलावा आन वन्यजीव तको निवास करत हावयं। जेमा मुख्य रूप ले वन भैंसा के संग ही गौर, तेन्दुआ, भालू, नीलगाय, हिरण, सांभर, जंगली सुअर उकवन्यप्राणियों के तको ये रहवास जगह हावय। छत्तीसगढ़ के इन्द्रावती टायगर रिजर्व 2799.086 वर्ग कि.मी. के भौगोलिक क्षेत्र म फैला होइस हावय, जेन महाराष्ट्र अउ तेलंगाना के वनक्षेत्र ले लगे होइस हावय। ये बाघों के विचरण के खातिर उपयुक्त कॉरिडोर के काम करत हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।