मेगा लीगल सर्विस कैम्प : हितग्राही महिला मनला मिलिस राशनकार्ड

मेगा लीगल सर्विस कैम्प : हितग्राही महिला मनला मिलिस राशनकार्ड

अंजोर.गरियाबंद। जिला के गांव मजरकट्टा के श्रीमती खेमिन बाई, श्रीमती राजनंदनी, श्रीमती दुर्गा, श्रीमती भारती अउ श्रीमती भोज बाई अउ गांव डोंगरीगांव के श्रीमती विद्या बाई अउ श्रीमती गीता बाई अउ गांव खरहरी के पिंकी सिन्हा बीपीएल हितग्राही के तको राशन कारड नइ बने ले शासन के मुख्यमंत्री खाद्यान्न योजना के लाभान्वित होए ले वंचित रिहिस। ओमन खाद्य विभाग म राशन कारड बनाये बर आवेदन प्रस्तुत करे रिहिस। विभाग डहर ले आवेदन के परीक्षण बाद ये हितग्राही महिला मन के प्रति सदस्य 10 किलो पात्रता वाला राशन कारड बनाये गे हावय। येकर ले अब श्रीमती भारती बंजारे के हरेक महीना 35 किलो अउ बांचे हितग्राही महिला मन ल हरेक महीना 20 किलो खाद्यान्न चाउंर प्रदाय के पात्रता मिलही। कलेक्टोरेट म आयोजित मेगा लीगल सर्विस कैम्प म हितग्राही महिला मन के राशनकार्ड उपलब्ध कराइन। शिविर के पहुना मन ह अपन कर कमल ले एमन ल राशन कारड दिस। स्वयं के राशन कारड मिले म अब ये महिला मन ल परिवार के खाद्यान्न के चिंता ले मुक्ति हाइन। येकर खातिर ओमन शासन-प्रशासन के प्रति धन्यवाद ज्ञापित करे हावयं।