Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

महिला ले छेड़खानी करइया गिरफ्तार, न्यायिक अभिरक्षा म भेजे गिस जेल

महिला ले छेड़खानी करइया गिरफ्तार, न्यायिक अभिरक्षा म भेजे गिस जेल
महिला ले छेड़खानी करइया गिरफ्तार, न्यायिक अभिरक्षा म भेजे गिस जेल

Janjgir Champa Police News अंजोर.जांजगीर-चांपा। मिले आरो के मुताबिक मामला के संक्षिप्त विवरण ए रकम ले हावय के पीड़िता ह थाना बलौदा म रिपोर्ट दर्ज कराइन मंझनिया म अपन खेत ले धान लेके घर जात रिहिस उही समय पीड़िता  के घर के आगू  आरोपी अजय खूंटे अश्लील गाली गलौज करे लगिस। पीड़िता ल पहिली म आरोपी डहर ले हाथ बांह पकडके बेइज्जत करे के आशय ले छेड़छाड़ करे गिस। पीडिता के मना करे म आरोपी डहर ले पीडिता अउ उंकर परिवार ल जान ले मारे के धमकी दे रिहिस। पीड़िता जब भी घर म अकेली रहय त आरोपी डहर ले उंकर घर के दरवाजा ल घट खटाते रिहिस नइ खोले म घर के दरवाजा के आगू गंदा बात लिखके भाग जात रिहिस। पीड़िता  के रिपोर्ट म आरोपी के विरुद्ध अप.क्र. 474/22 धारा 294,506,354 भादवि पंजीबध्द करके विवेचना म लिस।

मामला मंहिला संबधी अपराध  होए ले तुरते थाना प्रभारी उप निरीक्षक गोपाल सतपथी डहर ले थाना ले एक टीम तइयार करके आरोपी अजय खुंटे के पता तलाश बर टीम रवाना करे गिस। आरोपी के पुलिस टीम बलौदा डहर ले  चांपा ले गिरफ्तार करके न्यायालय पेश करे गिस, जहाँ ले आरोपी अजय खूंटे उमर 30 साल निवासी कुरमा के न्यायिक अभिरक्षा म जेल दाखिल करे गिसा। ये कार्यवाही म उनि गोपाल सतपथी, म. प्र. आर. जीवंती कुजूर, प्र.आर. केदार साहू आर.दिलीप माथुर, जयराम बिंझवार, जितेन्द्र कुर्रे,प्रहलाद निर्मलकर  अउ लखेश विश्व कर्मा के जबर योगदान रिहिन।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285