Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

Chhattisgarhi Film : नक्सल समस्या म बने फिलिम ‘नवा बिहान’ 11 नवंबर के होही रिलीज

Chhattisgarhi Film

सिनेमा। ओम गंगे फिल्मस् के बैनर तले बने छत्तीसगढ़ी फिलिम ‘नवा बिहान’ के ट्रेलर रिलीज हो चुके हावय। आशीष सुरेन्द्र गंजीर के निर्देशन म बने ए फिलिम म अभिनेता के रूप म आकाश सोनी हावय अउ अभिनेत्री हावय इशिका यादव। संग ही रवि साहू, योगिता मढ़रिया, उपासना वैष्णव, ललित उपाध्याय, श्रेया महंत, विक्रांत नरसिंह, प्रांजल सिंह राजपूत, नरेन्द्र काबरा, सुमित्रा साहू, संतोष निषाद, रूद्र कुमार यादव, हेमंत निषाद, कावेरी ध्रुव उक के अहम भूमिका हावय। फिलिम के निर्माता हावय रवि बहादुर सिंह, कहानी हावय सोनू ठाकुर के जेमा पटकथा अउ संवाद लिखे हावयं पी. राजकुमार ह।

सुंदरानी यूट्यूब चैनल म रिलीज 3 मिनट के ट्रेलर ले पूरा फिलिम के कहानी के अंदाजा लगाबे त ‘नवा बिहान’ बस्तर के नैसर्गिक सौंदर्य के बीच पनपत नक्सल समस्या ल रेखांकित करत हावय। साफ लफ्ज म कहन त फिलिम म प्रेम के दू परिभाषा देखे के मिलिस  एक नायक अउ नायिका का, अउ दूसरा अपन माटी ले। अब आगू कहानी कुछ यू आगू बड़ता हावय के इशिका यादव अपन सहेली योगिता मढ़रिया के संग उंकर गांव जात हावय। उहां बिहाव समारोह रिहिस। उहें आकाश सोनी ले इशिका के मुलाकात होवत हावय। ए बखत कई नोकझोक के शानदार संवाद के संग मधुर गीत के तको आगाज होवत  हावय।

जइसे हर फिलिम म होवत  हावय के दू प्यार करे वाला आसानी ले थोड़े ही मिल सकही। अब फिलिम के दूसरी प्रेम कहानी सुरू होवत हावय जेन के बस्तर के जल, जंगल अउ जमीन के लड़ाई ले हावय। अक्सर आदिवासी अउ नक्सली के बीच पुलिस कभू नायक के भूमिका म होवत हावय, त कभू खलनायक। हकीकत का हावय ये आज तक कोनो नइ जान पाये के आखिर जल, जंगल अउ जमीन के लड़ाई म नक्सली अउ पुलिस के बीच भोले-भाले आदिवासी अपन आप के किहिन पाते हावयं। कुल मिले कर देखे जाए त वें कभू नक्सली के त कभू पुलिस के गोली के शिकार होवत हावय।

नक्सल समस्या के समाधान ए फिलिम म नइ हावय ये त केवल एक काल्पनिक कहानी हावय। आकाश सोनी ए फिलिम म प्रेम के प्रेम ले जीतना चाहत हावय फेर उंकर मयारू इशिका के पिता के आदिवासी हितैषी बताइन गे हावय जेन जल, जंगल अउ जमीन के लड़ाई लड़ रिहिन हावयं। उहें रवि साहू पुलिस के भूमिका म हावय। फिलिम म प्यार के गीत के संग गोली के आवाज तको गुंजती हावय। का दू प्यार करे वाला मिले होही ? का नायिका नक्सली मन के संग दिही? कहानी कोन रियल घटना ले मेल खाती हावय..., जइसे मन म उमड़ते कई सवाल के जवाब त 11 नवंबर 2022 के मिलही जब ये फिलिम सिनेमाघर म रिलीज होही। बहरहाल छॉलीवुड के आन  फिलिम ले तुलना करें त नवा बिहान काफी आने हावय। देखइया के भरपूर प्यार मिलही, आकाश सोनी अउ इशिका यादव के संग हमन ल तको छॉलीवुड के नवा  सितार हावय।

आकाश सोनी के छॉलीवुड म कई फिलिम सफल रिहिन हावय जेमा मनोज वर्मा के संग महुं कुवांरा तहुं कुवारी अउ भोजपुरी फिलिम संतोष जैन के संग मिल गेली चंदनिया, के अलावा गंवन तको लाइन म हावय। अभिनेत्री इशिका यादव के हालाकि अभी तक फीचर फिलिम म कोनो बड़का काम आगू नइ आये हावय फेर छत्तीसगढ़ी सिनेमा बर नवा तको नइ हावय। सुपर स्टाेर अनुज शर्मा के संग राजा-रानी जइसे दर्जनों वीडियो एल्बमों, शार्ट मूवी उक म वो अभिनय के जलवा दिखा चुके हावयं। आकाश सोनी अउ इशिका यादव दुनों के छॉलीवुड के चमत सितारा हावय। 

Chhattisgarhi Film

Chhattisgarhi Film
  • फिल्म  - नवा बिहान
  • निर्देशक‍- आशीष सुरेन्द्री गंजीर 
  • निर्माता - रवि बहादुर सिंह,
  • कहानी - सोनू ठाकुर 
  • पटकथा/ संवाद - पी. राजकुमार
  • कलाकार - आकाश सोनी, इशिका यादव, रवि साहू, योगिता मढ़रिया, उपासना वैष्णव, ललित उपाध्याय, श्रेया महंत, विक्रांत नरसिंह, प्रांजल सिंह राजपूत, नरेन्द्र काबरा, सुमित्रा साहू, संतोष निषाद, रूद्र कुमार यादव, हेमंत निषाद, कावेरी ध्रुव आदि।

Chhattisgarhi Film

  • Movie - Nawa Bihan
  • Producer - Ravi Bahadur Singh
  • Director - Aashish Surendra Ganjir
  • Starcast - Aakash Soni , Ishika Yadav , Ravi Sahu ,  Upashna Vaishnav , Lalit Upadhyay , Vikrant Narshih, Yogita Madhariya, Shreya Mahant , Pranjal Singh Rajput , Narendra Kabra , Sumitra Sahu , Santosh Nishad , Rudra Kumar Yadav , Hemant Nishad, Kaveri Dhruw, Rajesh Bonik
  • Story - Sonu Thakur
  • Patkatha & Sanvad - Raj Banjare 
  • Music Director - Sagar Bose
  • D.O.P - Pramod K Nayak
  • Editor - Satish Dewangan ( SKYLine24F Sudio )
  • Choreographer - Late. Nishant Upadhyay , Rakesh Yadav , Sanju Tandi 
  • Art Director - Benedict francis 
  • Asst. Art Director - Tanmoy Roy
  • Asst. Director - Faizan ul Hasan , Tushar Singh , Vikrant Narshih
  • Action Director - Satish Anna , Tambi Anna
  • Language - Chhattisgarhi

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285