अंजोर.मुंगेली। मुंगेली के सोनारपारा के पालिया ज्वेलर्स के घर ले अज्ञात मनखे डहर ले सोने, चांदी के गहना चोरी करके ले जाये के सूचना म थाना सिटी कोतवाली मुंगेली म अपराध क्रमांक 558/22 धारा 457, 580, 511 के तहत अपराध पंजीबद्ध करके विवेचना म लिस। मामला के गंभीरता ल देखत पुलिस अधीक्षक चन्द्रमोहन सिंह डहर ले अकताहा पुलिस अधीक्षक श्रीमती प्रतिभा पाण्डेय एवम अनुविभागीय अधिकारी पुलिस एस आर धृतलहरे के अगुवई म थाना प्रभारी मुंगेली गौरव पांडेय, प्रभारी सत्यम चौहान के टीम प्रभारी बनात बिसेस टीम गठित करे गिस रिहिस । प्रकरण म विवेचना के बखत मुखबिर के सूचना, सीसीटीवी कैमरा अउ साईबर सेल के विश्लेषण ले मामला म तुरते कार्यवाही करत 08 दिन म चकरभाठा रेल्वे ट्रैक के पास घेराबंदी करके आरोपी देवराज लोधी ल गिरफ्तार करे गिस अउ जेन सघन पूछताछ करे म चोरी करे स्वीकार करत होइस चोरी के सोने, चांदी के गहना ल घर म छिपाके रखना स्वीकार करिन अउ चांदी के 02 नग सिल्ली संग आन आरोपी खरीददार दीपक गुप्ता के पास बेचना बताइन।
ए रकम ले आरोपी देवराज लोधी के कब्जा ले कीमती 50 लाख के सोना, चांदी के गहना, आरोपी खरीददार दीपक गुप्ता के कब्जा ले 02 नग चांदी के सिल्ली कीमती 140000 अउ चोरी म प्रयुक्त एक्टीवा वाहन कुल कीमती 5220000 के मशरूका बरामद करके आरोपी मन के विरूद्ध वैधानिक कार्यवाही करत होइस न्यायिक अभिरक्षा म जेल भेजे गिस। आरोपी देवराज लोधी पहिली म तको चोरी, आगजनी अउ बलात्कार के आरोपी हावय।
प्रकरण के विवेचना अउ आरोपी मन के गिरफ्तारी म थाना प्रभारी सिटी कोतवाली निरीक्षक गौरव पाण्डेय, सउनि दिवाकर सिंह ठाकुर, प्रधान आरक्षक धर्मेन्द्र सिंह, मनोज राजपूत, बलराज सिंह, रवि जांगड़े, आरक्षक योगेश यादव, विकास सिंह, राहुल यादव, हलिश गेंदले, गिरीराज सिंह, रमाकांत डहरिया, परमेश्वर जांगड़े, अतुल सिंह के जरूरी भूमिका रहीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।