रायपुर गोकुल नगर के गउठान म नवाचार देवारी म घर लिपे बर मिलही गोबर के पैकेट.., अंजोर छत्तीसगढ़ी म पढ़व पूरा खबर

अंजोर.रायपुर। "गोमय वसते लक्ष्मी” माने गोबर म लक्ष्मी के वास हावय अउ “गौमूत्र धन्वन्तरी” माने गौमूत्र म भगवान धन्वन्तरी के निवास हावय। देवारी म लक्ष्मी महतारी अउ भगवान धनवंतरी के पूजा करे जाथे अउ ये दिन घर अउ पूजा कक्ष ल देशी गाय के गोबर ले लीपे के परंपरा हावय। फेर शहर म लोगन ल देशी गाय के गोबर के खातिर भटकना पड़त हावय, अइसे म गोकुल नगर गउठान के महिला मन गोबर के पैकेट बनाके सुलभता ले उपलब्ध करवाये के खातिर काम करत हावयं। स्वसहायता समूह के महिला मन संग ही आर्थिक रूप ले तको सशक्त होत हावय अउ गढ़त हावयं नया छत्तीसगढ़।