मुख्यमंत्री भूपेश बघेल विश्व परसिध बस्तर दशहरा परब के ऐतिहासिक मुरिया दरबार म शामिल

अंजोर.रायपुर। तोकापाल सरकारी कॉलेज के नामकरण शहीद हरचंद अउ सरकारी कॉलेज बकावंड के नामकरण जरकरण भतरा के नाम ले करे के घोसना अपन एकदिवसीय बस्तर प्रवास म पहुंचिस मुख्यमंत्री भूपेश बघेल ह इहां किहिन के हमर संस्कृति म आज तको आदिम परंपरा के खूबसूरती हावय। छत्तीसगढ़ आदिवासी मन के प्रदेस हावय इही येकर सबले बड़े सुंदर पहचान हावय। बस्तर दशहरा, बस्तर अंचल के ही नइ बल्कि पूरा दुनिया म परसिध हावय। जेला इहां के आदिवासी समाज के संग हर वर्ग के लोगन पूरा आस्था अउ श्रद्धा के संग मनाते आत हावयं। मेरा सौभाग्य हावय के बस्तर दशहरा परब के ऐतिहासिक मुरिया दरबार म पाछु 4 साल ले उपस्थित होए के सौभाग्य मिलत हावय। इहां म मुरिया दरबार के मांझी-चालकी, मुखिया, मेंबर-मेंबरिन अउ सदस्य मन ले मिलके बस्तर के विकास ल लेके गोठबात करे सहित हम विकास के नीति अउ योजना बने हावयं। जेकर ले बस्तर के समग्र विकास के एक नवा दिशा दे म कामयाबी मिले हावय। ये बात मुख्यमंत्री भूपेश बघेल ह बस्तर दशहरा परब के ऐतिहासिक मुरिया दरबार के संबोधित करत कहिन।