Home News Contact About

विज्ञापन खातिर आरो करव-

jayantsahu9@gmail.com
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

कट्टा के नोक म बंदूकधारी लूट लेगे 33 टन सरिया, पुलिस के मुस्तैदी म हथियार समेत पकड़ागे 4 आरोपी..., अंजोर छत्तीसगढ़ी म पढ़व पूरा खबर

कट्टे की नोक पर अज्ञात बंदूकधारी लूट ले गये 33 टन सरिया

अंजोर.रायगढ़। एसपी अभिषेक मीना के दिशा निर्देशन अउ एडिशनल एसपी लखन पटले अउ सीएसपी रायगढ़ अभिनव उपाध्याय के मार्गदर्शन म चक्रधरनगर पुलिस डहर ले लूटपाट के मामला म तुरते कार्यवाही करत चंद घंटा म लूटपाट के आरोपी मन ल लूट के पूरा मशरूका अउ हथियार समेत गिरफ्तार करे गे हावय।

मिले आरो के मुताबिक रतिहा एमएसपी फैक्ट्री पार्किंग म ट्रेलर के भीतर सोवत ड्रायवर म चार अज्ञात आरोपी देशी कट्टा अडाके, मारत पीटत ट्रेलर म लोड 33 टन सरिया (छड़) समेत ट्रेलर लूटके खरसिया-रायगढ़ हाईवे तनि भागगे अउ जिहां कुछ आरोपी ड्रायवर ल बंधक रखके ट्रेलर ले  44 क्विंटल सरिया के अन्यत्र ठऊर  म डम्प करके घटना कोनो ल नइ बताये के धमकी देके वाहन चालक के छोड़ दिस।

मामला के सूचना मिलते ही थाना प्रभारी चक्रधरनगर निरीक्षक शनिप रात्रे वरिष्ठ अधिकारी मनला अवगत कराके तुरते जिला ले बारह अवइया-जवइया वाला सबो रसता म नाकेबंदी करके अपन सक्रिय सूचनातंत्र के जरिये अपहरणकर्ता के पता लगाये अउ एक बड़े लूट के घटना के सफलतापूर्वक चंद घंटा के भीतर पटाक्षेप करके आरोपी मन ले लूट के पूरा मशरूका, घटना म प्रयुक्त हथियार, बाइक, रॉड, मोबाइल के जप्ती करके आरोपी मन के गिरफ्तार करके रिमांड म भेजे गे हावय।

आरोपी पीड़ित ड्रायवर राजकुमार सोनी के रिपोर्ट म अप.क्र. 534/2022 धारा 365, 397 IPC म गिरफ्तार करके न्यायिक रिमांड म भेजे गे हावय। आरोपी मन के पतासाजी, गिरफ्तारी के टीम म निरीक्षक शनिप रात्रे थाना प्रभारी चक्रधरनगर, उप निरीक्षक दिनेश  बोहिदार, प्रधान आरक्षक लोमश राजपूत, हेम प्रकाश सोन, दिलीप भानु, आरक्षक चंद्र कुमार बंजारे, विक्कू सिंह ठाकुर, सुशील यादव, श्याम साहू, चुडामणी गुप्ता के प्रमुख भूमिका रेहे हावय। आरोपी मन ले पूछताछ म चोरी के अपराध के जानकारी मिले हावय, आरोपी मन के आपराधिक रिकार्ड के संबंध म उंकर मूल निवास थाना ले जानकारी ले जात हावय।

गिरफ्तार आरोपी-

1- तूफान साहू पिता लिंग राज साहू उमर 22 साल  मूल निवास गांव केरा, चक्रधरपुर जिला चाईबासा (झारखंड) हाल मुकाम किरोड़ीमलनगर थाना कोतरारोड रायगढ़
2- विशाल गिरी पिता शशि गिरी उमर 25 साल मूल निवास  गांव सकरडीह थाना जलालपुर जिला छपरा (बिहार) हाल मुकाम किरोड़ीमलनगर थाना कोतरारोड रायगढ़                            
 3- लोकेश चक्रधारी पिता केशव चक्रधारी उमर 26 साल निवासी सिंघनसरा थाना सक्ती जिला सक्ती (छ.ग.) हाल मुकाम किरोड़ीमलनगर थाना कोतरारोड जिला रायगढ़         
4- बबलू यादव पिता वीरेंद्र यादव उमर 18 साल निवासी फतनपुर थाना गरखा जिला छपरा (बिहार) हाल मुकाम किरोड़ीमलनगर थाना कोतरारोड़ रायगढ़

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285