अंजोर.रायपुर। गांधी कृषि विश्वविद्यालय रायपुर डहर ले राज्य शासन के कृषि विभाग, छत्तीसगढ़ बायोटेक्नोलॉजी प्रमोशन सोसायटी, अन्तर्राष्ट्रीय चाउंर अनुसंधान संस्थान, फिलीपींस, नाबार्ड, कंसल्टेटिव ग्रुप ऑफ इन्टरनेशनल एग्रीकल्चरल रिसर्च, कृषि अउ प्रसंस्कृत खाद्य निर्यात विकास प्राधिकरण (एपीडा), एनएबीएल अउ आन संस्था मन के सहयोग ले 14 ले 18 अक्टूबर तक रायपुर म अन्तर्राष्ट्रीय कृषि मड़ई ‘‘एग्री कार्नीवाल 2022’’ के आयोजन करे जात हावय, जेमा अन्तर्राष्ट्रीय अउ राष्ट्रीय स्तर के संस्थान के निदेशक, कृषि वैज्ञानिक, आने-आने कृषि जिनिस निर्माता कंपनी के वरिष्ठ अधिकारी, स्टार्टअप्स उद्यमी अउ बड़े संख्या म प्रगतिशील किसान शामिल होही।
ए मउका म एक वृहद अन्तर्राष्ट्रीय कृषि मेला सह प्रदर्शनी के तको आयोजन करे जाही। एग्री कार्नीवाल के बखत सबोच दिन किसान, पढ़इया लइका अउ आम नागरिक के खातिर विश्वविद्यालय के अनुसंधान प्रक्षेत्र म उगाई जात फसल मन अउ कृषि प्रदर्शनी के भ्रमण आयोजित करे जाही। अन्तर्राष्ट्रीय कृषि मड़ई एग्री कार्नीवाल 2022 के उद्घाटन समारोह के मुख्य पहुना छत्तीसगढ़ विधानसभा अध्यक्ष डॉ. चरणदास महंत होही अउ अध्यक्षता कृषि मंत्री रविन्द्र चौबे करही। एग्री कार्नीवाल के समापन समारोह के मुख्य पहुना राज्यपाल सुश्री अनुसुइया उईके होही अउ अध्यक्षता कृषि मंत्री रविन्द्र चौबे डहर ले करे जाही। मुख्यमंत्री भूपेश बघेल अन्तर्राष्ट्रीय कृषि मड़ई के बखत 16 अक्टूबर के वृहद किसान सम्मेलन ल संबोधित करही।
पांच दिवसीय कृषि मड़ई के बखत विविध कार्यक्रम आयोजित करे जाही जेमे कृषि उपज निर्यात बढ़ाये बर क्रेता-विक्रता सम्मेलन, नवाचार स्टार्टअप्स अउ उद्यमिता म कार्यशाला, लघु वनोपज के प्रसंस्करण अउ निर्यात म संगोष्ठी, जैव विविधता संरक्षण अउप्रजाति के पंजीयन बर प्रशिक्षण कार्यशाला, परीक्षण प्रयोगशाला के मान्यता बर एनएबीएल डहर ले प्रशिक्षण, फसल प्रजनन आधुनिकीकरण अउ डिजिटलीकरण उक प्रमुख हावयं। कृषि मड़ई म फसल मन के नवा किस्म, जादा आय दे वाला वैकल्पिक फसल, नवा कृषि प्रौद्योगिकी, प्राकृतिक अउ जैविक कृषि, जैव खातु अउ जैव कीटनाशक, पशु पालन, मछली पालन अउ चारा उत्पादन, समन्वित फसल पोषक तत्व अउ कीट अउ बीमारी प्रबंधन, मृदा उर्वरता अउ मृदा स्वास्थ्य, वर्षा जल प्रबंधन अउ भू-जल संवर्धन, संरक्षित खेती, उन्नतशील कृषि यंत्र प्रसंस्करण अउ कीमत संवर्धन उक के संबंध म विषय विशेषज्ञ वैज्ञानिक डहर ले जानकारी दे जाही। ए बखत कृषि आधारित स्टार्टअप्स के सफल उद्यमी डहर ले नवा स्टार्टअप्स स्थापित करे के इच्छुक युवा मनला मार्गदर्शन तको दे जाही। अन्तर्राष्ट्रीय कृषि मड़ई म लगभग 20 हजार किसान मन के सामिल होए के संभावना हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।