छत्तीसगढ़िया ओलंपिक : छत्तीसगढ़ के पारंपरिक खेल के धूम.., अंजोर छत्तीसगढ़ी म पढ़व पूरा खबर

अंजोर.अम्बिकापुर। अम्बिकापुर नगर के पीजी कॉलेज ग्राउंड म आयोजित राजीव युवा क्लब स्तरीय छत्तीसगढ़िया ओलंपिक म बच्चा, युवा अउ महिला मन म पारंपरिक खेल के प्रति भारी उत्साह देखे गिस। खेल के सुरू के मउका म जिला के कलेक्टर कुंदन कुमार ह किहिन के छत्तीसगढ़ के अपन परम्परा अउ पहचान हावय। इहां के संस्कृति के संग खेले जाये वाला खेल बहुत महत्ता रखत हावयं। ये भाईचारा के भावना के विकसित करे के संग शारीरिक विकास म तको योगदान देत हावय। गांव-गांव म ए रकम ले आयोजन होए ले एक बार फेर ये खेल के पहचान बढ़गे अउ आने वाला पीढ़ी एला जान पाही। इही रकम ले जिला के गांव गोरता म राजीव युवा मितान क्लब स्तर म छत्तीसगढ़िया ओलंपिक के आयोजन करे गिस। सबोच खेल के खातिर विजयी खिलाड़ी के खेल के मुताबिक ट्राफी अउ मेडल दे करे गिस। ए मउका म जनपद सदस्य श्रीमती प्रमिला राजवाड़े, गांव पंचायत गोरता के सरपंच श्रीमती सहोदरी उईके, उप-सरपंच मुकेश सिंह, रणविजय सिंहदेव, सचिव दीनूदास सहित राजीव युवा मितान क्लब के सदस्य अउ ग्रामवासी मौजूद रिहिस।